Śviet

Prezident Litvy: U nas jość ahulny abaviazak — być na pravilnym baku historyi

Prezident Litvy Hitanas Naŭsieda zajaviŭ, što paśla taho, jak Rasija pačała vajnu suprać Ukrainy, NATA pavinna vyrazna zajavić, što Rasija ŭjaŭlaje saboj surjoznuju pahrozu jeŭraatłantyčnaj biaśpiecy, a na madrydskim samicie — pryniać rašeńni pa biaśpiecy ŭ Bałtyjskim rehijonie, piša delfi.lt. Akramia taho, jon padkreśliŭ, što Biełaruś faktyčna stała častkaj Rasii.

Hitanas Naŭsieda

«Pucin pačaŭ z Ukrainy. Ale jasna, što ŭ jaho jość bolš maštabnyja płany, takija jak razbureńnie ŭsioj architektury jeŭraatłantyčnaj biaśpieki», — zajaviŭ Naŭsieda padčas pasiadžeńnia Parłamienckaj asamblei NATA ŭ Vilni ŭ paniadziełak.

Prezident Litvy padkreśliŭ, što NATA taksama atrymlivała patrabavańni i ŭltymatumy Rasii «z vyraznymi namiokami na Bałtyjski rehijon». 

Naŭsieda taksama źviarnuŭ uvahu na toje, što ŭ suviazi z tym, što de-fakta Biełaruś stała častkaj Rasii, umovy biaśpieki ŭ Bałtyjskim rehijonie rezka źmianilisia, a čas dla reahavańnia NATA zvodzicca da nula.

«Tamu my pavinny zrabić usio, kab Pucin nikoli nie advažyŭsia pravieryć našy miežy i rašučaść NATA», — skazaŭ litoŭski lidar.

Naŭsieda skazaŭ, što vajna ŭ Jeŭropie patrabuje nieadkładnych źmienaŭ u palitycy strymlivańnia i biaśpieki NATA. Nieabchodna ŭmacavać Siły pieradavoha bazavańnia NATA ŭ Litvie, pavialičyŭšy kantynhient z uzroŭniu bataljona da bryhady.

«My taksama pavinny zrazumieć, što Rasija — heta pahroza, jakaja doŭha nie źniknie. Tamu my pavinny vyrazna ahučyć, što Rasija ŭjaŭlaje saboj vialikuju i doŭhaterminovuju pahrozu dla ŭsiaho jeŭraatłantyčnaha rehijona», — skazaŭ litoŭski kiraŭnik.

Jon taksama zajaviŭ, što Rasija śviadoma pajšła na razbureńnie suśvietnaha paradku i što paśla 24 lutaha nie moža być nijakich iluzij. Nieabchodna ŭśviadomić, što «sumnievy, pasiŭnaść i miralubnaść buduć tolki spryjać dalejšaj ahresii».

Prezident Litvy taksama skazaŭ, što jon byŭ šakavany zaklikami da Ukrainy pieradać svaje terytoryi Rasii, kab pakłaści kaniec vajnie.

«My žyviom u vielmi ciažkija i ciomnyja časy, ale my jość adzin u adnaho, a taksama našy ahulnyja kaštoŭnaści. Heta fundamient, jaki my nikoli nie pavinny padviarhać sumnievu abo pradavać. U nas taksama jość ahulny abaviazak — być na pravilnym baku historyi», — padkreśliŭ litoŭski lidar. 

Kamientary

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA6

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Usie naviny →
Usie naviny

Aŭstryjski palitołah sprahnazavaŭ, što pačatku vajny Rasii z NATA moža papiaredničać paŭstańnie palakaŭ u Biełarusi. A čamu nie bunt reptyłoidaŭ?10

«Maje aksesuary prynosiać pośpiech, upeŭnienaść u sabie i hrošy». Śpiavačka Halina Šyškova stała dyzajnierkaj5

«Akazvajecca, i na tym baku jość ludzi». Maci Ivana Padreza ŭsio ž nie vysialajuć6

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

bolš čytanych navin
bolš łajkanych navin

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA6

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Hałoŭnaje
Usie naviny →