Jak iduć pieramovy ab naftavym embarha: padrabiaznaści z brusielskich kalidoraŭ
Dypłamaty krain Jeŭrasajuza ŭ niadzielu nie zmahli damovicca ab embarha na rasijskuju naftu, jakoje płanujecca ŭklučyć u šosty pakiet sankcyj suprać Rasii, i jašče raz pasprabujuć heta zrabić zaŭtra, u apošnija hadziny pierad pazačarhovym samitam Jeŭraźviazu. Zaraz, pa źviestkach z brusielskich kalidoraŭ, krainy ES abmiarkoŭvajuć kampramisnuju prapanovu Francyi: zabaranić impart rasijskaj nafty moram, a impart pa naftapravodzie «Družba» pakul nie čapać, piša Bi-bi-si.
Damovicca ab embarha nie ŭdajecca z-za Vienhryi, jakaja, jak nahadvaje ahienctva Frans-Pres, atrymlivaje 65% nafty pa «Družbie» i nie choča ad jaje admaŭlacca.
Vienhry adkinuli prapanovu ES: dadatkovyja dva hady na pastupovuju admovu ad rasijskaj nafty. Urad Viktara Orbana choča minimum čatyry hady adterminoŭki i minimum 800 młn jeŭra na pieraabstalavańnie NPZ i pavieličeńnie mahutnaści naftapravoda z Charvatyi.
Frans-pres piša, spasyłajučysia na nienazvanych dypłamataŭ, što Słavakii i Čechii, jakija taksama byli suprać nieadkładnaha i poŭnaha embarha, prapanavali adterminoŭku na dva z pałovaj hady, i jany pahadzilisia.
Pa naftapravodzie «Družba» idzie prykładna tracina ŭsioj nafty, što Rasija pradaje krainam Jeŭrasajuza. Astatnija dźvie traciny zavoziać tankierami.
Pazačarhovy samit ES, pryśviečany vajnie va Ukrainie, projdzie 30-31 maja. Prezident Ukrainy Uładzimir Zialenski źvierniecca da ŭdzielnikaŭ samita pa videasuviazi.
Kola Łukašenka syhraŭ na rajali na «Dni narodnaha adzinstva». Jaho tata pierad hetym pryhraziŭ Treciaj suśvietnaj vajnoj34
Kamientary