Mahčyma, sapraŭdnaja misija Uładzimira Pucina zaklučajecca ŭ tym, kab davać uroki. Usim — ad suśvietnych lidaraŭ i ekśpiertaŭ da zvyčajnych ludziej. Jon asabliva dobra spraviŭsia z hetym u 2022 hodzie.

Jon jašče raz nahadaŭ nam, što šlach, jaki pačynajecca z «maleńkaj falsifikacyi vybaraŭ», zaŭsiody zakančvajecca dyktaturaj. Dyktatura zaŭsiody viadzie da vajny. Heta ŭrok, jaki my nie pavinny byli zabyvać.

Suśvietnyja lidary hadami kryvadušna kazali pra «prahmatyčny padychod» i pieravahu mižnarodnaha handlu. Pry hetym jany dazvolili sabie atrymać vyhadu z rasijskich nafty i hazu, u toj čas jak ułada Pucina ŭzmacniłasia. Paśla sankcyj i vajennaj dy ekanamičnaj dapamohi hetaja vajna budzie kaštavać u sotni razoŭ daražej, čym tyja vyhadnyja naftahazavyja kantrakty, padpisańnie jakich raniej śviatkavałasia šampanskim. 

Pucin nahadaŭ nam usim pra «kačyny test»: kali niešta padobnaje na kačku, płavaje, jak kačka i kryčyć, jak kačka, to heta, napeŭna, kačka.

I ŭ hetym vypadku varta ŭžyć tuju ž łohiku: kali chtości źniščaje niezaležnyja ŚMI, arhanizuje palityčnyja zabojstvy i prytrymlivajecca svaich impierskich pamyłak, to jon varjat, zdolny vyklikać kryvavuju bojniu ŭ centry Jeŭropy ŭ XXI stahodździ. I vy sapraŭdy nie pavinny prymać jaho na mižnarodnych forumach.

Ciapier Pucin taksama daje ŭrok ab tym, jak źvieści na ništo ekanamičnyja vyhady, dasiahnutyja krainaj na praciahu 20 hadoŭ.

Adnak adkaz na hałoŭnaje pytańnie, jakoje jon stavić — jak spynić złoha varjata z armijaj, jadziernaj zbrojaj i siabroŭstvam u Radzie Biaśpieki AAN — jašče nie vyrašanaje. I my tyja, chto pavinien znajści hety adkaz.

Клас
51
Панылы сорам
1
Ха-ха
2
Ого
0
Сумна
0
Абуральна
0