«Biełarusbank» admianiaje zabarony na pieravody, «Bank VTB» nie budzie papaŭniać rublovyja ŭkłady. Važnyja źmieny ŭ bankach
Apošnija miesiacy banki kožny dzień papiaredžvali ab źmienach u pracy kartak, limitu i inšych abmiežavańniach. Častka zabaronaŭ pačynajuć admianiać, niekatoryja abmiežavańni, naadvarot, robiacca bolš žorstkimi. Samaje važnaje, što źmianiajecca ciapier dla klijentaŭ bankaŭ, sabrali na «Anłajniery».
«Biełarusbank» vyrašyŭ admianić častku ŭviedzienych raniej abmiežavańniaŭ. Na kartki Visa i Mastercard hetaha banka znoŭ možna pieravodzić biełaruskija rubli z-za miažy.
Akramia hetaha, z kartaŭ Visa i Mastercard zamiežnych bankaŭ znoŭ dazvalajuć zdymać valutu ŭ bankamatach «Biełarusbanka» biez abmiežavańniaŭ. Važna: z adnoj karty UnionPay International zamiežnaha banka možna źniać tolki 200 biełaruskich rubloŭ na tydzień, u hetym vypadku limity dziejničajuć.
Siońnia limity na raźliki kredytnymi kartkami pavialičyŭ «Pryjorbank», ciapier u dzień možna vydatkoŭvać da 4000 biełaruskich rubloŭ. Raspłačvacca na hetuju sumu možna ŭ handlovych kropkach i ŭ Biełarusi, i za miažoj, a taksama ŭ Internecie.
Akramia taho, u internet-bankinhu i ŭ mabilnym dadatku stanoviacca dastupnymi pieravody z kredytnaj kartki na kartki «Pryjorbanka» i inšych bankaŭ. Za pieravody z kredytnaj kartki spahaniajecca kamisija ŭ pamiery 1,2% + 1,9 rubla.
«MTBank» z 20 maja pavyšaje kamisiju za vydaču najaŭnaj valuty ŭ kasach pa kartkach inšych bankaŭ. Kamisija składzie 3% ad sumy apieracyi (raniej była 1%).
«Bank BiełVEB» źmianiaje ŭmovy vydačy najaŭnych hrošaj z rachunku. Źniać hrošy možna budzie maksimum praź piaty bankaŭski dzień paśla padačy zajaŭki.
Novaja viersija mabilnaj prahramy «BTA Banka» dastupnaja ŭ Google Play i App Store. Ciapier tam jość funkcyi pieravodu srodkaŭ pamiž svaimi rachunkami i kiravańnia pasłuhaj 3D-Secure.
Z 23 maja «Bank VTB (Biełaruś)» prypyniaje pryjom dadatkovych uznosaŭ pa biezadzyŭnych rublovych depazitach. Klijenty mohuć aformić novyja depazity ŭ biełaruskich rublach terminam raźmiaščeńnia zvyš hoda z mahčymaściu ŭniasieńnia dadatkovych uznosaŭ zhodna z umovami dahavora.
KDB zatrymaŭ žančynu, z doma jakoj było źniata videa padzieńnia šachieda ŭ Kalinkavičach4
Kamientary