Aŭstryjskaja enierhietyčnaja kampanija OMV, najbujniejšaja ŭ Centralnaj Jeŭropie, paviedamiła, što adkryje rublovy rachunak u Hazprambanku.
«OMV uviała praceduru apłaty, jakaja nie parušaje sankcyi i zabiaśpiečyć svoječasovyja płaciažy za pastaŭki hazu z Rasiei. My ličym našy apłatnyja abaviazalnictvy vykananymi ź pieraličeńniem sumy ŭ jeŭra», — prakamientavaŭ rašeńnie pradstaŭnik kampanii.
Pierad hetym u Aŭstryi nieadnarazova zajaŭlali pra adsutnaść namieraŭ kuplać rasijski haz za rubli. Tak, kali ŭ kancy krasavika ŭ ŚMI źjaviłasia infarmacyja ab tym, što OMV pryniała rašeńnie apłačvać haz u rublach, to fiederalny kancler Aŭstryi Karł Niachamier vystupiŭ z asprečańniem ŭ toj ža dzień. A praź niekalki dzion kiraŭnik MZS Aŭstryi Alaksandr Šalenbierh taksama paćvierdziŭ namier krainy i dalej nie płacić za rasijski haz u rublach.
Raniej pra namier apłačvać haz z Rasii praz rachunki ŭ Hazprambanku abviaścili niamieckaja VNG i italjanskaja Eni. Ahienctva Bloomberg sa spasyłkaj na blizkuju da «Hazprama» krynicu 12 traŭnia pisała, što ahulnaja kolkaść jeŭrapiejskich kampanij, jakija adkryli takija rachunki, dasiahnuła 20.
Kitaj paprasiŭ Biełaruś narmalizavać adnosiny z Polščaj — krynica6
Kamientary