U Jeŭrasajuzie raspracavali novy płan admovy ad enierhanośbitaŭ z Rasii
Jeŭrakamisija vydzieliła try pryncypy dla paskareńnia admovy ad rasijskich nafty i hazu: skaračeńnie spažyvańnia enierhii, pošuk novych pastaŭščykoŭ i paskorany pierachod da adnaŭlalnych krynic enierhii. Pra heta paviedamiła kiraŭnica Jeŭrakamisii Ursuła fon der Lajen.
Pradstaŭlajučy dapracavany płan admovy, fon der Lajen padkreśliła, što hety praces idzie paśpiachova.
Jana nahadała, što Jeŭrasajuz užo admoviŭsia ad vuhalu z Rasiei, a rasijskija pastaŭki hazu ŭ 2022 hodzie stali zajmać 26% u struktury spažyvańnia Jeŭrasajuza — suprać 40% u 2021 hodzie.
Adnak źnižeńnie zaležnaści Jeŭrasajuza ad rasijskich vuhlevadarodaŭ treba ŭsio ž paskoryć. I heta možna zrabić na troch uzroŭniach.
Pa-pieršaje, heta ekanomija elektraenierhii spažyŭcami. Kiraŭnica Jeŭrakamisii nazvała heta samym chutkim i tannym sposabam reahavańnia na biahučy enierhietyčny kryzis.
Pa-druhoje, heta zamiaščeńnie pastavak z Rasii hazam ad inšych nadziejnych pastaŭščykoŭ.
Pa-treciaje, paskareńnie pierachodu da čystaj adnaŭlalnaj enierhii. Na hetym uzroŭni Jeŭrakamisija prapanuje pavysić dolu adnaŭlalnaj enierhii ŭ ahulnaj struktury jaje krynic z 40 da 45%.
Jana prapanuje abaviazać z 2025 hoda stavić soniečnyja batarei na ŭsich kamiercyjnych i hramadskich budynkach i na novych žyłych damach da 2029 hoda.
Usio heta zapatrabuje vialikaha finansavańnia, adznačyła fon der Lajen. Jeŭrasajuzu na hetyja mety spatrebicca 300 młrd jeŭra.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary