Rabotniki małakazavoda ŭ Maładziečnie sabralisia na prachadnoj z-za nizkich zarobkaŭ, pahražajuć zvolnicca
Błohier Raścisłaŭ Čapurny 11 maja apublikavaŭ u siabie ŭ Instagram videa ab chvalavańniach na Maładziečanskim vytvorčym učastku AAT «Minski małočny zavod №1». Rabotniki pradpryjemstva sabralisia na prachadnoj, skardzilisia na nizkija zarobki i čakali načalstva, piša zerkalo.io.
Rabočyja raskazali na kamieru, što prablemy pačalisia paśla taho, jak u lutym 2022-ha Maładziečanski małočny kambinat staŭ vytvorčym učastkam Minskaha małočnaha zavoda.
Vakansii na pradpryjemstvie jość, ale zarobki — usiaho tolki 200—300 rubloŭ, choć raniej ludzi atrymlivali pa 800—1000, «i praca była, i zajaŭki dobryja».
Čamu zarobki zrezali ŭ niekalki razoŭ, rabočyja nie viedajuć: im jašče try miesiacy tamu paabiacali, što paśla abjadnańnia dachod nie stanie mienšym.
Skaraciłasia i kolkaść rabočych: pa ich słovach, kali raniej na kambinacie pracavała 200 čałaviek, to ciapier — 50.
— Narod užo za troch pahadziŭsia pracavać, kab hrošy atrymać. Bo žyć kožnamu chočacca, i jeści kožnamu chočacca, a zarobak nie pavyšajecca, — raskazvajuć maładziečancy i dadajuć, što, pakolki małako — pradukt, jaki chutka psujecca i pierapracavać jaho ŭsio roŭna treba, pracavać im davodzicca zvyš normy.
Aburanyja rabočyja vyjšli 11 traŭnia da prachadnoj u nadziei, što «niešta źmienicca». Na razmovu jany vyklikali i kiraŭnictva. Pa słovach rabočych, jano na sustreču zhodnaje i navat źbirajecca pryjechać u Maładziečna z Vałožyna. Kali na ich umovy nie pojduć, kažuć rabotniki zavoda, jany hatovyja zvolnicca.
Kamientary