Łukašenka spytaŭ vajskoŭcaŭ: Jakaja vajna budzie ŭ Biełarusi, kali nie daj boh?
«Vajennaja apieracyja» va Ukrainie «šmat čamu navučyła», zajaviŭ siońnia Alaksandr Łukašenka na naradzie pa pytańni dziaržaŭnaha abaronnaha zakazu. Jon patrabuje ad vajskoŭcaŭ vyznačycca, jakaja vajna budzie ŭ Biełarusi, «kali nie daj boh», i jakaja zbroja patrebnaja.
Siońnia Łukašenka pravioŭ naradu pa pytańni dziaržaŭnaha abaronnaha zakazu, pieradaje BIEŁTA.
«Skažu ščyra, što tady my pa-inšamu bačyli i svajo vojska, i pierš za ŭsio ŭzbrajeńnie našaha vojska. I, znoŭ ža, absalutna adkryta, vajennaja apieracyja Rasijskaj Fiederacyi va Ukrainie nas mnohamu navučyła», — skazaŭ jon.
Pavodle Łukašenki, abaronna-pramysłovy kompleks zjaŭlajecca adnym z najvažniejšych vysokatechnałahičnych siektaraŭ biełaruskaj ekanomiki. «Naturalna, my pavinny abapiracca na ajčynnaha vytvorcu ŭzbrajeńniaŭ», — skazaŭ Łukašenka.
Viadomymi ajčynnymi brendami zastajucca aŭtamatyzavanyja srodki kiravańnia vojskami i zbrojaj raspracoŭki chołdynhu «AHAT», optyka «Pielenha» i BiełOMA, a taksama ciahačy vytvorčaści MZKC, piša Biełta. Šyrokaje pryznańnie na suśvietnym rynku atrymali stvoranyja biełaruskimi śpiecyjalistami radyjoelektronnyja srodki baraćby ź bieśpiłotnymi latajučymi aparatami.
U toj ža čas Łukašenka miarkuje, što ŭ pytańni ŭzbrajeńnia taksama nielha pierabrać z «najrazumniejšymi technałohijami», bo ŭsio heta pavinna być «funkcyjanalna dla šarahovych bajcoŭ». «I nijakaje kantraktnaje vojska ŭ hetym płanie nas nie vyratuje. Usio efiektyŭna, što prosta i nadziejna. Voś, što samaje hałoŭnaje», — padkreśliŭ jon.
Łukašenka adznačyŭ, što ŭ vojski pastupajuć najnoŭšyja zienitnyja rakietnyja kompleksy «Tor-M2», radyjołakacyjnyja stancyi «Praciŭnik», «Sopka», «Uschod», «Rasa», kompleksy radyjoelektronnaj baraćby «Navalnica».
Uzbrojenyja siły taksama atrymlivajuć lohkabraniravanyja aŭtamabili «Kajman», madernizavanyja tanki T-72.
Pavodle Biełta, abnaŭlajecca park avijacyjnaj techniki — pastaŭlena i asvojena kala 30 sučasnych latalnych aparataŭ roznych typaŭ (Su-30SM, Jak-130, Mi-8MTV5 i inšyja). Nasamreč, toj ža Jak-130 — heta prosta navučalny samalot, daloki ad sučasnych uzoraŭ rasijskaj, a tym bolš zachodniaj avijacyi.
U ramkach dziaržabaronzakazu minułaha hoda zakuplena 80 novych bronietransparcioraŭ, čatyry bieśpiłotnyja avijacyjnyja kompleksy, bolš za dźvie tysiačy supraćtankavych kiravanych rakiet, dziasiatki srodkaŭ kiravańnia vojskami i suviazi, kapitalna adramantavanyja 10 latalnych aparataŭ, rapartuje BiełTA.
Nasamreč, vajna va Ukrainie pakazała, što navat sučasnaja rasijskaja technika ź ciažkaściu vytrymlivaje sutyknieńnie z zachodnimi ŭzbrajeńniami papiaredniaha pakaleńnia, nie kažučy pra najnoŭšyja raspracoŭki. Vajna vyjaviła taksama, što Zachad idzie na krok napieradzie ŭ vykarystańni spadarožnikavaj raźviedki, bieśpiłotnych aparataŭ, u tym liku ŭdarnych.
Jak ciapier vyhladaje palitźniavoleny Juraś Ziankovič. Jon nie ŭ robie, a ŭ cyvilnym kaściumie5
Kamientary