Padčas intervju žurnalist Associated Press skazaŭ pra źvierstvy Rasii va Ukrainie, pryvioŭšy ŭ prykład padziei ŭ Bučy i Maryupali, i spytaŭ u Łukašenki, ci nie moh by jon pieradać svajmu rasijskamu kalehu, što «heta para spynić».
Łukašenka paabiacaŭ pieradać słovy Pucinu — jany, skazaŭ jon, «chutka sustrenucca».
«Ale ja chaču da vas, da Zachadu najpierš źviarnuć takija ž słovy: spynicie chłusić. Vy darma pryvodzicie prykład Bučy. Toje, što adbyvałasia ŭ Bučy (ja nie viedaju, nakolki vy pahružanyja ŭ heta), — my viedajem, chto arhanizavaŭ hetuju pakazuchu.
Tam u asnoŭnym byli anhličanie, jakija na aŭtamabilach (pa-mojmu, čatyry aŭtamabili my bačyli, pieradali rasiejcam numary) prybyli ź Lvova, ažyćciaŭlali zdymku ŭ Bučy i potym ukidvali ŭ infarmacyjnuju prastoru», — zajaviŭ Łukašenka.
Łukašenka adznačyŭ, što jamu nie ŭpieršyniu sutykacca z pravakacyjami, asabliva paśla padziej 2020 hoda.
«Viedaju, jak heta robicca. Tamu nie treba kazać pra Buču», — dadaŭ jon.
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju26
Kamientary