Kampaniju Profitero ź biełaruskimi karaniami kupili za 200 miljonaŭ jeŭra
Francuzskaja miedyjahrupa Publicis abviaściła pra kuplu irłandskaj płatformy Profitero, piša dev.by. Hetaja płatforma, jakuju zasnavali biełarusy, dapamahaje brendam aceńvać paśpiachovaść anłajn-prodažaŭ bolš čym na 700 handlovych placoŭkach u bolš čym 50 krainach śvietu.
Profitero źbiraje infarmacyju ź internet-kramaŭ — naprykład, pra toje, jakija pradukty klijentaŭ tam pradajucca i pa jakich cenach, a taksama rejtynhi i vodhuki, — paśla čaho analizuje i padaje im u zručnym vyhladzie, dapamahajučy pradavać bolš i chutčej za kankurentaŭ.
Suma pahadnieńnia, pavodle paviedamleńnia Reuters, skłała 200 młn jeŭra. Paśla kupli Profitero zastaniecca samastojnaj kampanijaj u składzie hrupy Publicis.
Profitero była zasnavanaja ŭ 2010 hodzie biełarusami Kanstancinam Čarnyšom i Dźmitryjem Vysockim razam z vychadcam z Ukrainy Uładzimiram Pihrucham. Ciapier u štacie kampanii 300 čałaviek. U jaje jość ofisy ŭ ZŠA, Vialikabrytanii i Kitai. U minskim ofisie (jurydyčnaja asoba ŭ Biełarusi — Itacco) pracuje 60 supracoŭnikaŭ.
Profitero maje bolš za 4 tysiačy klijentaŭ, siarod jakich Kraft Heinz, Adidas, Henkel i L'oreal.
Kamientary