Ježa

Recept na vychadnyja. Hrečaskaja zapiakanka pastycya — zornaja strava mižziemnamorskaj kuchni

Pastycya (pastitsio) ličać tradycyjnaj hreckaj stravaj, ale ž nasamreč ideja zapiakanki z makaronaj pajšła ź Italii, a taksama pastycya jaduć na Kipry i ŭ Jehipcie. U Hrecyi jaho zvyčajna robiać ź jałavičyny, a na Kipry — sa śvininaj. Jak by tam ni było, zapiečanaja makarona razam ź miasam i sousam biešamiel — heta vielmi smačna. Praviercie sami!

Fota: BBC Food

Kab zrabić pastycya, vam spatrebicca:

  • 1 stałovaja łyžka aliŭkavaha aleju + dadatkovy alej dla makarony
  • 2 drobna narezanyja cybuliny
  • 2 drobna narezanych zubčyki časnyku
  • 2 stałovyja łyžki tamatavaha piure (možna zamianić na kansiervavanyja tamaty va ŭłasnym soku)
  • 750 hramaŭ śvinoha ci jałavičnaha faršu
  • 1 čajnaja łyžka mołataj karycy
  • 1 pałačka karycy
  • 1 łaŭrovy list
  • 150 mililitraŭ čyrvonaha vina
  • 2 śpiełyja pamidory
  • 250 mililitraŭ jałavičnaha bulonu
  • 350 hramaŭ połaj makarony (pastarajciesia znajści makaronu «trubačkaj»)
  • pałova drobna narezanaha pučka piatruški
  • 3 vialikija jajki
  • 100 hramaŭ ciortaha ćviordaha syru (lepiej za ŭsio abirać hreckija syry nakštałt chałumi)
  • 160 hramaŭ masła
  • 160 hramaŭ muki
  • 1,6 litra małaka
  • muskatny arech, sol i śviežazmołaty čorny pierac
  1. Razahrejcie alej u vialikaj patelni na słabym ci siarednim ahni i smažcie cybulu i časnyk kala 10 chvilin, pakul jany nie stanuć miakkimi — ale pry hetym cybula i časnyk pavinny zachavać svoj koler.
  2. Dadajcie tamatavaje piure i pieramiešvajcie ŭsio na praciahu chviliny, potym dadajcie ŭ sumieś farš i mołatuju karycu. Pavialičcie ahoń i absmažvajcie sumieś dalej na praciahu niekalkich chvilin, padčas hatavańnia raźminajcie farš videlcam ci łyžkaj, kab u im nie było kamiakoŭ. Dadajcie pałačku karycy, łaŭrovy list i vino, daviadzicie sumieś da kipieńnia, a potym varycie jaje 5-8 chvilin, pakul vino nie vyparycca.
  3. Zdymicie skuru z pamidoraŭ i natrycie ich na bujnoj tarcy, dadajcie ŭ sumieś. Ulicie ŭ sumieś bulon, daviadzicie da kipieńnia i pamienšycie ahoń da minimumu. Tušycie budučaje načyńnie na praciahu 30 chvilin bieź viečka, pakul vada amal całkam nie vyparycca, ale ž sumieś pavinna jašče zastavacca trochi vilhotnaj.
  4. Razahrejcie duchoŭku da tempieratury 180 hradusaŭ. Pastaŭcie na plitu vialiki rondal z padsolenaj vadoj, daviadzicie jaje da kipieńnia i varycie ŭ joj makaronu na 2 chviliny mienš, čym ukazana na ŭpakoŭcy. Źlicie vadu i palicie makaronu nievialikaj kolkaściu aleju. Dadajcie piatrušku, jajka i žmieniu ciortaha syru, pieramiašajcie. Adstaŭcie ŭ bok.
  5. Kab zrabić sous, rastapicie masła ŭ vialikaj patelni. Dadajcie da jaho muku, potym pastupova ŭmiešvajcie ŭ sumieś małako, pakul nie atrymajecie adnarodny bieły sous. Varycie jaho na słabym ahni, pastajanna pamiešvajučy, da zahuścieńnia. Dadajcie pałovu ad ciortaha syru, što ŭ vas zastaŭsia, i 3 drobki muskatnaha arecha. Pieramiašajcie i chutka ŭbicie ŭ sumieś jajki.
  6. Źbirajem zapiakanku. Spačatku dadajcie ŭ načyńnie łyžku sousu, potym vykładzicie pałovu makarony na dno formy dla zapiakańnia. Pakładzicie źvierchu pałovu načyńnia, ale prybiarycie ź jaho pałačku karycy i łaŭrovy list. Paŭtarycie heta z astatniaj makaronaj i načyńniem. Palicie ŭsio biełym sousam i pasypcie ciortym syram, jaki ŭ vas zastaŭsia.
  7. Vypiakajcie pastycya 45-50 chvilin da załacistaha koleru. Dastańcie zapiakanku z duchoŭki i pakińcie jaje astyvać nie mienš, čym na paŭhadziny, potym narežcie pastycya i padavajcie na stoł.

«Našu Nivu» finansujuć jaje čytačy — padtrymać prosta

Čytajcie taksama:

Recept na vychadnyja. Niezvyčajnyja jajki pa-šatłandsku — dobry vybar i dla viačery, i dla piknika

Recept na vychadnyja. Kurynaja pikata — sakavitaje miasa z syram i travami

Kamientary

50 dzieciam admovili. U biełaruskamoŭnaj himnazii Vilni zamała miescaŭ, baćki prosiać nabirać bolš kłasaŭ

50 dzieciam admovili. U biełaruskamoŭnaj himnazii Vilni zamała miescaŭ, baćki prosiać nabirać bolš kłasaŭ

Usie naviny →
Usie naviny

Marzaluk: U luboj škole, u tym liku ŭ ruskamoŭnaj, historyju Biełarusi i hieahrafiju treba vykładać pa-biełarusku60

Čarhovy chapun u Baranavičach — zatrymali adrazu piać čałaviek1

Biełarusy ŭ Varšavie ładziać viasielle dla svaich buldohaŭ. U niaviesty i žanicha budzie ŭsio — ad torta da kaściumaŭ13

Ciapier u Biełarusi, kab zrabić EKA, patrebna daviedka ad psichijatra. Źjavilisia i inšyja abmiežavańni3

Hiejmier viarnuŭsia na forum praz 11 hadoŭ bana — i tak ašałamiŭ farumčan, što jany zachacieli jaho znoŭ zabłočyć

Va ŭnutranych vojskaŭ zaŭvažyli zachopleny ŭkrainski bronieaŭtamabil. Jak jon moh trapić u Biełaruś?2

U Varšavie padletki na žyŭca łavili piedafiła, toj adbivaŭsia nažom7

Stała viadoma, pieśnia jakoj amierykanskaj supierzorki stanie hałoŭnaj padčas kampanii Kamały Charys6

Jak pracujuć rasijskija botafiermy, jakija vykarystoŭvajuć ShatGPT

bolš čytanych navin
bolš łajkanych navin

50 dzieciam admovili. U biełaruskamoŭnaj himnazii Vilni zamała miescaŭ, baćki prosiać nabirać bolš kłasaŭ

50 dzieciam admovili. U biełaruskamoŭnaj himnazii Vilni zamała miescaŭ, baćki prosiać nabirać bolš kłasaŭ

Hałoŭnaje
Usie naviny →