Śviet

NBC: Amierykanskaja raźviedka papiaredžvaje Ukrainu pra ŭdary. Ukraincy paśpiavajuć pieramiaścić SPA i samaloty, Rasija «litaralna bambić pustyja miescy»

Paśla pačatku rasijskaha ŭvarvańnia va Ukrainu raźviedka ZŠA davała ŭkrainskim vajskoŭcam źviestki ab tym, kali i kudy Rasija pavinna nanieści ŭdary.

Fota: Jafrem Łukacki, AP

Pra heta paviedamlaje NBC News sa spasyłkaj na krynicy siarod byłych i dziejnych amierykanskich čynoŭnikaŭ.

Pa słovach surazmoŭcaŭ vydańnia, źviestki pieradavalisia praktyčna ŭ realnym časie. Siarod ich — spadarožnikavyja zdymki, a taksama inšaja infarmacyja, u tym liku pra toje, dzie dziejničajuć peŭnyja typy rasijskich padraździaleńniaŭ.

Atrymanaja infarmacyja dapamahła Ukrainie advieści srodki SPA i avijacyju ad abstrełaŭ, źbić rasijski transpartny samalot z sotniami vajskoŭcaŭ u pieršyja dni vajny i sarvać šturmavuju apieracyju na aeradromie ŭ Hastomieli. Heta nie dazvoliła vajskoŭcam RF pierakinuć dadatkovyja siły pad Kijeŭ.

Akramia taho, z dapamohaj źviestak amierykanskaj raźviedki harantujecca biaśpieka prezidenta Ukrainy Uładzimira Zialenskaha. CRU vykarystoŭvaje «značnyja resursy» na zbor infarmacyi dla jaho abaronienaści, a taksama kansultuje ŭkrainski bok, jak lepš pieravozić kiraŭnika dziaržavy, raspaviali surazmoŭcy telekanała.

Pavodle źviestak NBC News, dziakujučy raźviedinfarmacyi ZŠA, Ukraina praciahvaje pieramiaščać SPA i avijacyju amal u štodzionnym režymie. Adznačajecca, što heta adna z pryčyn, čamu Rasii nie ŭdałosia dabicca poŭnaha panavańnia ŭ pavietry.

«Rasijskija vajskoŭcy litaralna bambiać pustyja miescy tam, dzie srodki supraćpavietranaj abarony stajali jašče ŭčora», — zajaviła vydańniu adna z krynic, adznačyŭšy, što pieradadzienaja infarmacyja «akazała vielizarny ŭpłyŭ na mahčymaści rasijskich vajskoŭcaŭ na ziamli».

Kamientary

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Usie naviny →
Usie naviny

Minskaje «Dynama» na apošnich chvilinach prabiłasia ŭ druhi raŭnd kvalifikacyi Lihi čempijonaŭ VIDEA1

Rasijski šachied vybuchnuŭ za 55 km ad Babrujska22

Pasłableńni dla biełaruskich turystaŭ uvodzić Tajłand

Ź biełarusam tydzień niama suviazi paśla taho, jak jon pierasiok miažu z Polščaj1

88-hadovy apalny eks-kiraŭnik «Pinskdreva» Arynič žyvie ŭ Biełastoku ŭ zdymnaj kvatery za košt svajakoŭ2

Pamior Ihar Hips

«Kali ŭpała pieršaja ldzinka, ja zrazumieła, što ŭsio». Hrad pamieram z kurynaje jajka paškodziŭ mašynu biełaruski2

U Biełarusi zatrymali litoŭca, jaki abvinavačvajecca na radzimie ŭ zabojstvie2

Cichanoŭskaja: Abmiežavańni na miažy nie zakranuć aŭtobusy i maršrutki22

bolš čytanych navin
bolš łajkanych navin

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Hałoŭnaje
Usie naviny →