«Biełaruski hajun»: Ź Biełarusi vyviedziena kala 85% rasijskaj vajennaj techniki
Prajekt «Biełaruski hajun» paviedamlaje, što na hety momant na čyhunačnych stancyjach u Asipovičach, Kałodziščach, Chojnikach, Rečycy, Kalinkavičach, «Kozienki» (Mazyr) niama nijakich pahruzak vajennaj techniki i ešałonaŭ dla zahruzki.
Taksama ŭ apošnija dni niama paviedamleńniaŭ, što pablizu hetych miescaŭ praciahvajucca ruchi na časovych bazach uzbrojenych sił RF. U haradach nazirajucca tolki adzinkavyja hruzavyja mašyny kala hatelaŭ, kafe abo handlovych centraŭ. Pa papiaredniaj acency «Hajuna», vyviedziena kala 85% vajennaj techniki RF, jakuju zafiksavali na momant adstupleńnia z Kijeŭskaha napramku.
«Varta adznačyć, što praciahvajecca pahruzka złamanaj techniki na płatformy na čyhunačnym vakzale ŭ Jelsku. Padvoz techniki ažyćciaŭlajecca pieravažna z Naroŭli (u horadzie niama čyhunačnych znosin).
Taksama na biełaruskich aeradromach amal nie zastałosia samalotaŭ i viertalotaŭ armii RF. Isnuje vierahodnaść, što mahli zastacca adzinkavyja šturmaviki, bambaviki i bieśpiłotniki», — piša «Hajun».
Pravieryć hetuju infarmacyju pakul ciažka z-za nieprazrystaj spravazdačnaści Minabarony RB. Tamu ab poŭnym vyvadzie vojskaŭ pakul rana zajaŭlać. Akramia taho, nieviadoma, kolki vajskoŭcaŭ zastałosia dla «ŭmacavańnia» miažy razam z vojskami RB.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki22
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1515
Kamientary