Vajna

«Kramatorsk — heta horad, dzie jany chočuć zamknuć koła». Vajenny ekśpiert — pra taktyku nastupleńnia rasijskich vojskaŭ u najbližejšyja dni

Pa paviedamleńniach ź miescaŭ, Rasija źbiraje vialikuju hrupoŭku vajskoŭcaŭ i techniki ŭ akupavanym Iziumie. Vajennyja ekśpierty nie vyklučajuć, što nastupleńnie adtul na Danbas pačniecca ŭžo ŭ najbližejšyja sutki. Ukrainski vajenny ekśpiert Aleh Ždanaŭ prahnazuje, što asnoŭnych napramkaŭ rasijskaha nastupu budzie dva: ad Iziuma na Kramatorsk i ad Hulajpola taksama na Kramatorsk, kab zamknuć koła ŭ hetym horadzie. «Heta adziny sposab akružyć ukrainskuju hrupoŭku», — padkreśliŭ Aleh Ždanaŭ u intervju «Nastojaŝiemu vriemieni». 

Vajenny ekśpiert Aleh Ždanaŭ. Skryn videa

— Chacieŭ by z vami abmierkavać danyja amierykanskaha Instytuta pa vyvučeńni vajny, jaki kaža, što Rasija budzie nastupać pa troch kirunkach. Pieršy — ź Iziuma, druhi — z Rubiežnaha i Sievieradaniecka, treci — bai ŭ Papasnaj i Kramatorsku. Jak vy ličycie, jaki scenaryj uvohule mahčymy?

— Ja dumaju, što asnoŭnym scenaryjem hetaha nastupu buduć dva napramki — heta ad Iziuma na Kramatorsk i ad Hulajpola na Kramatorsk. Heta adziny sposab, kab akružyć našu hrupoŭku vojskaŭ u zonie Apieracyi abjadnanych sił. I, chutčej za ŭsio, heta budzie asnoŭny scenaryj dla Uzbrojenych sił Rasijskaj Fiederacyi.

— Jak vam zdajecca, minimalnaja meta Kramla — ​​heta zachop terytoryi Danieckaj i Łuhanskaj abłaściej, jakija kantraluje Kijeŭ?

— Nie, jany naŭrad ci na heta raźličvajuć. Chutčej za ŭsio, jany pastarajucca akružyć našu hrupoŭku ŭ zonie Apieracyi abjadnanych sił. I tady jany mohuć vyłučyć ultymatum — dapuścim, vypusk hrupoŭki z abłohi ŭ abmien na terytoryi Danieckaj i Łuhanskaj abłaściej u administracyjnych miežach.

— Heta značyć, jany chočuć uziać ŭkrainskija siły ŭ koła?

— Absalutna pravilna. Jany chočuć zakalcavać našy vojski ŭ zonie apieracyi. Kramatorsk — heta horad, na jakim jany chočuć zamknuć koła. [Jany chočuć zakalcavać] usio, što budzie na ŭschod ad Kramatorska, — a heta mienavita linija raźmiežavańnia pa «Minsku-2», dzie my da hetaha času ŭpeŭniena trymajem abaronu.

— Zachodnija śpiecsłužby ličać, što prasoŭvańnie rasijskich sił uskładniaje «śpiecyfičnaja miascovaść» na poŭdni i na ŭschodzie krainy. Možacie rastłumačyć, što ŭ joj asablivaha?

— Sprava ŭ tym, što heta danieckija stepy. Tam vielmi vialikija abšary, adkrytyja abšary. I tam ciažkaje prasoŭvańnie ŭ vypadku paharšeńnia nadvorja. Heta značyć, kali iduć daždžy, step pieratvarajecca ŭ praktyčna nieprachodnuju miascovaść.

A vialikija adlehłaści i roŭnaja adkrytaja miascovaść patrabujuć vialikaj kolkaści vojskaŭ. Nie atrymajecca tak, jak na poŭnačy Ukrainy, dzie jany pa prasiekach išli kałonami i razhortvali bajavy paradak tolki pry nieabchodnaści.

— Ministerstva zamiežnych spraŭ Čechii apublikavała notu pratestu, jakaja była im atrymanaja ad rasijskich dypłamataŭ. U joj havorycca, što Čechija nibyta nie moža davać trecim krainam zbroju savieckaha pachodžańnia biez zhody na heta Rasii. A što, sapraŭdy jość niejkija patrabavańni ŭ dačynieńni da ŭžo pradadzienaj zbroi?

— Kraina-vytvorca maje prava vieta na pieraprodaž zbroi treciamu boku i na madernizacyju hetaj zbroi. Heta značyć, i madernizacyju, i prodaž uzbrajeńnia treciamu boku treba ŭzhadniać z vytvorcam.

Ale ŭ hetym vypadku z Rasijaj mižnarodnaje prava zhulała zły žart. Sprava ŭ tym, što vytvorca hetaha ŭzbrajeńnia — Saviecki Sajuz, i hetaja kraina ŭžo nie isnuje. I navat niahledziačy na ​​toje, što Rasija abjaviła siabie pravapierajemnicaj SSSR, heta nie nakładvaje abaviazacielstvaŭ na krainy, jakija vałodajuć savieckim uzbrajeńniem, uzhadniać jaho prodaž z Rasijskaj Fiederacyjaj.

— Jak vam zdajecca, kali ŭ Maryupali pačniecca taja samaja «aktyŭnaja faza», jakoj pahražaje Ministerstva abarony Rasii?

— Hetaja aktyŭnaja faza vajny tam nikoli nie spyniałasia — ni na adzin dzień. Ciapier, naadvarot, jość infarmacyja, što Rasijskaja Fiederacyja źniała častku vojskaŭ z Maryupala i pierakidvaje ich na paŭdniovy kirunak dla ŭzmacnieńnia nastupalnaj hrupoŭki ad Hulajpola. Situacyja ŭ Kramatorsku zastajecca prykładna adnolkavaj. I nacisk rasijskich vojskaŭ tolki ciapier krychu asłabieŭ. Ale ŭ asnoŭnym jany imknucca trymać nacisk uvieś čas.

— Jak vam zdajecca, Rasii jość čym prykryvacca z mora ŭ Maryupali, uličvajučy, što krejsier «Maskva» zatopleny?

— Z mora — nie. Na siońniašni dzień eskadra Čarnamorskaha fłota hołaja i praktyčna adkrytaja z pavietra. I dziejničać jana ciapier moža tolki na vialikaj adlehłaści, tamu što asnoŭny parason SPA stvaraŭ nad eskadraj mienavita krejsier «Maskva».

Kamientary

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy2

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

Usie naviny →
Usie naviny

Taksistaŭ užo pačali štrafavać za vykarystańnie mašyn u asabistych metach — pa dziŭnym artykule3

Bajden nazvaŭ adzinuju ŭmovu, pry jakoj admovicca ad prezidenctva9

Adnaho z najlepšych biełaruskich trenieraŭ pa nastolnym tenisie sudziać za «sadziejničańnie ekstremisckaj dziejnaści»2

Pajšoŭ z žyćcia biełaruski vynachodnik Alaksandr Dłatoŭski

Pahladzicie, jak prykolna vyhladaje biełaruski pašpart pad ultrafijaletam13

Hety karlikavy kot z saramlivym vyhladam staŭ novaj zorkaj sacsietak5

U hateli Banhkoka znojdzieny miortvymi šeść hramadzian Vjetnama1

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

bolš čytanych navin
bolš łajkanych navin

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy2

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

Hałoŭnaje
Usie naviny →