Ułada

Makiej u liście da Jeŭropy narakaje na «nieščaślivuju čaradu padziej paśla 2020-ha» i zaklikaje da dyjałohu

Karespandent Radyjo Svaboda ŭ Brusieli Rykard Joźviak vykłaŭ tekst lista, jaki Uładzimir Makiej 6 krasavika nakiravaŭ krainam Jeŭrasajuza. Makiej nazyvaje falsifikacyju vybaraŭ i pravavy defołt u krainie «nieščaślivaj čaradoj padziej» i zaklikaje da adnaŭleńnia dyjałohu. 

«Nieščaślivaja čarada padziej, jakaja adbyłasia paśla 2020 hoda, pryviała Biełaruś i ES amal u Lednikovy pieryjad», — piša Makiej.

Makiej abiacaje, što «Biełaruś nie budzie ŭciahnutaja ŭ vajnu». I prapanuje: «Davajcie vykarystajem dypłamatyčny instrumientaryj, kab adnavić dyjałoh, jaki jość adzinym sposabam, kab znajści darohu napierad u lubych abstavinach».

Makiej u svaim liście nahadvaje pra sioletniaje 30-hodździe z momantu ŭstalavańnia dypłamatyčnych adnosin pamiž Biełaruśsiu i Jeŭrasajuzam i adznačaje, što i raniej Biełaruś i ES prachodzili roznyja pieryjady ŭ svaich uzajemaadnosinach. Ale pry hetym zmahli dasiahnuć mnohaha, asabliva ŭ 2016—2019 hadach: raźvivałasia handlovaje supracoŭnictva, byŭ asłableny vizavy režym, pracavali transhraničnyja prahramy i inšaje.

«Niaŭžo ŭsie hetyja ŭzajemnyja dasiahnieńni ŭ minułym?» — pytajecca Makiej. «Nieščaślivaja čarada padziej, što adbyłasia z 2020 hoda, viarnuła Biełaruś i ES praktyčna ŭ «lednikovy pieryjad», — piša jon, dadajučy, što na miažy pamiž nami vyrasła novaja «Bierlinskaja ściana».

Uładzimir Makiej. Fota Sergei Kholodilin / BelTA/ AP

Pa jaho słovach, uviedzienyja ES sankcyi «bjuć pa zvyčajnych ludziach», a suprać Biełarusi ŭ ramkach mižnarodnych arhanizacyj raspačataje «palavańnie na viedźmaŭ».

«Kali sankcyjnaja palityka ES maje na mecie «źmianić pavodziny Biełarusi», to, bajusia, pryviadzie jana tolki da taho, što ŭsio mienš ES budzie ŭ Biełarusi. Niaŭžo heta ŭ intaresach kaho-niebudź u Jeŭropie?» — pytajecca kiraŭnik MZS.

Pavodle jaho słoŭ, Biełaruś šmat hadoŭ biła tryvohu z nahody taho, što rehijon stanovicca novaj parachavoj bočkaj u Jeŭropie, ale nikoha heta nie chvalavała, a ciapier realnaść apynułasia «horšaj za samyja dzikija kašmary».

«Dazvolcie mnie jašče raz rastłumačyć našu pazicyju adnosna haračaha kanfliktu, jaki razhortvajecca ŭ nas na parozie, — piša Makiej. — My kateharyčna adkidajem lubyja insinuacyi ab tym, što Biełaruś niejak uciahnutaja ŭ bajavyja dziejańni va Ukrainie. Biełaruś nie budzie ŭciahnutaja ŭ vajnu. Nam chapiła vojnaŭ za našu historyju».

U biahučaj situacyi, ličyć ministr, usim treba admovicca ad abvinavačvańniaŭ i naviešvańnia jarłykoŭ, padbuchtorvalnaj rytoryki i adnabakovych abmiežavańniaŭ i pieraasensavać paradyhmu budučych adnosin Biełarusi i Jeŭrasajuza dy jeŭrapiejskaj biaśpieki.

«Davajcie źvierniemsia da dypłamatyčnaha instrumientaryja, kab adnavić dyjałoh, jaki jość adzinym sposabam, kab znajści darohu napierad u lubych abstavinach. Spadziajusia, mudraść, prahmatyzm, padtrymka suvierenitetu i niezaležnaści ŭsich krain Jeŭropy, u tym liku Biełarusi, i žadańnie zachavać mir i roskvit dla ŭsich buduć nakiroŭvać nas u hetych namahańniach», — padsumoŭvaje Makiej.

List vyhladaje jak prapanova Jeŭropie ŭciahnucca ŭ novy dyjałoh. U samim liście ničoha nie havorycca pra toje, ci zastanucca rasijskija vojski na terytoryi Biełarusi i ci buduć vyzvalenyja i reabilitavanyja tysiačy palitźniavolenych.

Kamientary

Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku

Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku

Usie naviny →
Usie naviny

«Kolki pavinien zarablać chłopiec u Minsku, kab sustrakacca z vami?» Skandał vakoł vuličnaha apytańnia90

Biełaruskaha bajca MMA ŭ Polščy abvinavačvajuć u źbićci. Jamu pahražaje da 20 hadoŭ2

«Kab apynucca ŭ bambaschoviščy, u ciabie 6 siekund». Biełaruska raspaviała pra vałanciorstva ŭ Izraili, u tym liku pobač z Hazaj10

Tvarožnaja zapiakanka ź jabłykami — recept2

Čaćviertaja kniha ź sieryi pra Hary Potera pabačyła śviet1

Ad siońnia na 10 miesiacaŭ zakryŭsia most z vulicy Maskoŭskaj da płoščy Niezaležnaści. Jak budzie abjazdžać zvyčajny i hramadski transpart?

Zialenski: Paŭnočnakarejskija vojski viarnulisia na liniju frontu2

Apple moža zdać pryvatnyja danyja ŭsich svaich karystalnikaŭ u śviecie śpiecsłužbam Vialikabrytanii. Heta moža stać niebiaśpiečnym precedentam4

Nieabchodnyja hrošy na patreby Paliny Šarendy-Panasiuk sabrali za niekalki hadzin5

bolš čytanych navin
bolš łajkanych navin

Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku

Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku

Hałoŭnaje
Usie naviny →

Zaŭvaha:

 

 

 

 

Zakryć Paviedamić