Ježa88

Jak krasić vielikodnyja jajki: vialiki hajd

Kataliki i pratestanty śviatkujuć sioleta Vialikdzień 9 krasavika, pravasłaŭnyja — 16-ha. Krašanki — heta toje, biez čaho nie ŭjavić sabie śviata Uvaskrašeńnia.

Tradycyjnyja krašanki

Tradycyjna jajki krasili cybulevym šałupińniem. Ad jaje kolkaści zaležyć intensiŭnaść koleru pafarbavanych jajek — ad aranžava-bežavaha da nasyčanaha bura-čyrvonaha.

Šałupińnie žoŭtaj cybuli zalić vadoj, zvaryć u im jajki i pakinuć na paru hadzin ci na noč. Jajki pierad afarboŭkaju pažadana pamyć mylnym rastvoram abo pracierci vocatam, kab bolš raŭnamierna afarbavalisia.

Dla naniasieńnia ŭzoru možna prykłaści halinki abo liściki raślinaŭ.

Paśla, źmiaściŭšy jajko ŭ kapron abo bint (u adzin słoj), mocna zaviazać kancy nitkaju. Dla atrymańnia karunkavaha ŭzoru možna zaharnuć jajko ŭ karunki, a dla atrymańnia pałosak — abkrucić nitkami.

Pryhatavanyja takim čynam jajki pakłaści ŭ kastrulu z šałupińniem, zvaryć ukrutuju (10—15 chvilinaŭ na małym ahni) i pakinuć u šałupińni, pakul nie astynuć. Kab atrymać bolš nasyčany koler, možna pakinuć jajki ŭ šałupińni na niekalki hadzinaŭ.

Paśla taho, jak pafarbavanyja jajki absochnuć, možna nacierci ich alejem, kab jany bliščali.

Šałupińnie fijaletavaj cybuli pafarbuje jajki ŭ bura-čyrvony koler. Pra heta pračytajecie nižej.

Jak pafarbavać jajki ŭ karyčnievy koler

Dla hetaha možna advaryć jajki ŭ vielmi mocnaj zavarcy čornaha čaju (8—10 pakiecikaŭ na šklanku vady) z 3—5 st. ł. soli.

Dadać 3 st. ł. vocatu, pakinuć jajki ŭ zavarniku na niekalki hadzinaŭ. U karyčnievy koler pafarbuje jajki i nasyčany advar z 2—4 burakoŭ, da jakoha dadadzieny sol i vocat.

Vykarystoŭvajem dla farbavańnia jajek inšyja naturalnyja farby

Pačniom z papularnych siarod biełarusaŭ naturalnych farbavalnikaŭ. Vybirajcie koler — i napierad:

Fota: pixabay.com
  • Čyrvony. Kab jaho atrymać, vaźmicie litr vady, dadajcie tudy 2 stałovyja łyžki vocatu i šałupińnie ad 12—15 čyrvonych cybulin.
  • Daviadzicie sumieś da kipieńnia i varycie jaje 30 chvilin, potym pracadzicie sumieś u misku ź nieržaviejučaha materyjału (hety krok možna apuścić). Kali rastvor astynie, pieralijcie jaho ŭ kastrulu i pakładzicie tudy syryja jajki. Daviadzicie da kipieńnia, źmienšycie ahoń, nakryjcie kryškaj i varycie jajki 12-20 chvilin u zaležnaści ad taho, nakolki intensiŭny koler vy žadajecie atrymać.
  • Žoŭty. Źmiašajcie litr vady, 2 stałovyja łyžki vocatu i 3 stałovyja łyžki kurkumy.
  • Daviadzicie da kipieńnia, źniźcie ahoń i kipiacicie sumieś kala 30 chvilin. Astudzicie jaje, potym pakładzicie ŭ sumieś syryja jajki i varycie ich kala 10 chvilin.
  • Ružovy. Pakińcie na noč varanyja jajki ŭ sumiesi z dvuch šklanak buračnaha soku i dźviuch stałovych łyžak vocatu.
  • Błakitny abo sini. Vaźmicie litr vady, dadajcie 2 stałovyja łyžki vocatu i našynkavanuju čyrvonuju kapustu
  • (vam spatrebiacca 1-2 kačany, jakaść i śviežaść kapusty na vynik nie ŭpłyvajuć). Daviadzicie sumieś da kipieńnia, źmienšycie ahoń i kipiacicie sumieś 30 chvilin. Astudzicie, dadajcie varanyja jajki i pakińcie ich u rastvory na 30 chvilin, kab atrymać śvietła-błakitny koler, i na noč, kab atrymać bolš ciomna-siniaje adcieńnie.
  • Fijaletavy. Źmiašajcie šklanku soku čyrvonaha vinahradu i stałovuju łyžku vocatu, pakładzicie ŭ rastvor jajki. Pakińcie na noč u chaładzilniku.
  • Karyčnievy. Zamačvajcie varanyja jajki ŭ rastvory ź litra krepkaj kavy i 2 stałovych łyžak vocatu na praciahu 30 chvilin.

Jak jašče možna farbavać jajki naturalnymi farbavalnikami, my raspaviadali ŭ asobnym artykule:

Jak pravilna farbavać jajki na Vialikdzień

Fota: pixabay.com

Ekśpierymientujem z charčovymi farbavalnikami

Možna spraścić sabie žyćcio i nabyć u mahazinie śpiecyjalnyja charčovyja farbavalniki dla jajek. Ź ich dapamohaj vy atrymajecie jajki bolš jarkich koleraŭ, čym pry ŭžyvańni naturalnych farbavalnikaŭ, dy i śmiećcia na kuchni budzie mienš. Voś jak treba pracavać z charčovymi farbavalnikami:

  1. Pierš za ŭsio, treba zvaryć jajki ŭkrutuju. Dla hetaha pamiaścicie ich u kastrulu i zalicie vadoj tak, kab nad jajkami było chacia b niekalki santymietraŭ vady. Potym daviadzicie vadu da kipieńnia, zdymicie kastrulu z ahniu, nakryjcie jaje i pakińcie na 12-15 chvilin. Potym vylicie vadu i astudzicie jajki — pramyjcie ich chałodnaj vadoj.
  2. Dalej padrychtujem farbavalniki. Da kožnaha ź ich idzie instrukcyja — prytrymlivajciesia jaje. Čym bolšaj budzie kancentracyja farbavalnika, tym bolš jarki koler atrymajuć jajki. Možna źmiešvać roznyja farby: naprykład, čyrvony i žoŭty farbavalniki razam daduć aranžavy koler, čyrvony i błakitny — fijaletavy, žoŭty i błakitny — zialony.
  3. Kali ŭsio hatova, pačynajem farbavać jajki. Zaścialicie pracoŭnuju zonu hazietami ci abrusam, padrychtujcie papiarovyja survetki, kab prybirać pyrski vady, i posud, kudy vy pakładziacie farbavanyja jajki. Z dapamohaj łyžki apuskajcie jajki ŭ vadu z farbavalnikam i pakidajcie tam na 5-10 chvilin. Treba, kab vada całkam pakryvała jajka, taksama nie zabyvajcie jaho pieravaročvać, kab afarboŭka była raŭnamiernaj.
  4. Vysušycie jajki na papiarovych ručnikach.
  5. Pratrycie alejem — jany buduć zichacieć.
Fota: pixabay.com

Marmurovyja jajki

Tut i dalej: fota craftsbyamanda.com

Kali žadajecie niešta zusim aryhinalnaje — pasprabujcie inšyja varyjanty azdableńnia jajek.

Kab zrabić jajki marmurovymi, vam spatrebicca alej, vocat, charčovyja farbavalniki, kubki i łyžki (pa adnym kubku i adnoj łyžcy na kožny koler). 

  1. Nalicie ŭ kožny kubak pa stałovaj łyžcy aleju i stolki ž vocatu, dadajcie farbavalnik. Zapoŭnicie try čverci kožnaha kubka ciopłaj vadoj. Pieramiašajcie sumieś (asobnaj łyžkaj dla kožnaha kubka!).
  2. Vaźmicie varanaje jajka ŭ adnu ruku, druhoj rukoj pieramiešvajcie sumieś u kubku, pakul nie pabačycie ŭzor, padobny da varonki. Adrazu ž dastańcie łyžku z kubku, pakładzicie na jaje jajka i pamiaścicie jaho ŭ vadu.
  3. Paličycie da 5-6 i dastańcie jajka.
  4. Pakińcie jajka na niekalki chvilin na papiarovym ručniku, potym možacie pamiaścić jaho ŭ rastvor ź inšaj farbaj. Kali budziecie zadavolenyja vynikam, aściarožna prasušycie jajka papiarovym ručnikom.

Jajki z aptečnymi humkami

Padrychtujcie vocat, charčovyja farbavalniki, kubki i stałovyja łyžki, aptečnyja humki.

  1. Abmatajcie varanaje jajka niekalkimi humkami.
  2. Afarbujcie jajka ŭ charčovym farbavalniku tak, jak zvyčajna. Dajcie farbie vysachnuć, potym zdymicie humki i pamiaścicie jajka ŭ rastvor ź inšaj farbaj.

Jajki z malunkam pa trafarecie

Vaźmicie vocat, charčovy farbavalnik, kubki i stałovyja łyžki, a taksama nalepki-stykiery ci malarnuju stužku.

  1. Pamiaścicie na varanaje jajka stykiery ci vyražcie adpaviednyja ŭzory z malarnaj stužki.
  2. Praviercie, kab usie častki ŭzoraŭ byli dobra pryleplenyja da jajka, potym pafarbujcie jaho jak zvyčajna. Pačakajcie, pakul jajka vysachnie, i zdymicie ź jaho trafarety.

Jajki sa ściakajučymi farbami

Dla hetaha varyjanta vam spatrebicca vadki charčovy farbavalnik, padstaŭka dla jajek i butelka vady z pulvieryzataram.

  1. Pamiaścicie varanaje jajka na padstaŭku ci ŭ luby inšy posud, jaki dapamoža trymać jajka viertykalna. Papyrskajcie vadoj na vierchniuju častku jajka.
  2. Vylicie kroplu farbavalnika na vierch jajka. Znoŭ papyrskajcie na vierch jajka vadoj.
  3. Dadajcie inšyja farbavalniki, kali žadajecie. Pyrskajcie vadoj ci dujcie na jajka, kab atrymać efiekt, jaki vam spadabajecca.

«Naša Niva» adnaŭlaje zbor danataŭ — padtrymać prosta

«Naša Niva» — bastyjon biełaruščyny

PADTRYMAĆ

Čytajcie jašče:

Pascha z šakaładam i cukatami da vielikodnaha stała

Čamu katoliki i pravasłaŭnyja śviatkujuć Vialikdzień u rozny čas. I roźnica moža składać navat miesiac?

Kamientary8

  • Žvir
    08.04.2023
    I voś jašče što, farbavać jajki treba tolki cybulnym šałupińniem. Heta tolki adziny mietad, usie astatnija - niesapraŭdnyja.
  • Sałat s chamsoj,kartoškoj i jajcom,marinovannym łukom -šikarnoje bludo,kotoroje hotovitsia v dva sčie
    08.04.2023
    Žvir, ja ŭžo kazała - jajki ŭvohule nie treba varyć. dać uskipieć, adrazu paśla ŭskipańnia vyklučyć vahoń (ci źniać z kanforki ŭ vypadku z eł/plitoj, jak u mianie), nakryć nakryŭkaj i pakinuć da poŭnaha astyvańnia. jajki cudoŭna dahatujucca, i nie budzie hetaha šeraha abadka, jaki atrymlivajecca, kali jajki doŭha varać - voś, jak u šałupińni cybuli na Vialikdzień
    dumaju, što kali zrabić taki rastvor, jak vy skazali, uskipiacić (nie varyć!)) jajki, jak ja skazała) mažliva atrymajecca šče lepšy vynik
  • chamsa
    08.04.2023
    Žvir, zhodna. jon biasškodny, bo pryrodny. farba ž pranikaje praz škarłupinu. asabliva hetych słabych paśla zimy jajek...
    a šałupińnie nie tolki koler pryhožy, a šče i smak dadaje...

Vyjšaŭ na volu staršynia AHP Mikałaj Kazłoŭ4

Hramadstvaabnoŭlena4

Vyjšaŭ na volu staršynia AHP Mikałaj Kazłoŭ

Usie naviny →
Usie naviny

Bolš za sotniu viosak Homielščyny ŭsio jašče čakajuć adnaŭleńnia elektrazabieśpiačeńnia

U Italii ŭkrainka ŭpała sa skały i 6 hadzin maliła svajho mužčynu-rasijanina ab dapamozie. Jon tak i nie dapamoh25

Biełarusy akazalisia najlepšymi ŭ matematycy ŭ Jeŭropie27

Ci šmat u śviecie zastałosia kiraŭnikoŭ dziaržaŭ, jakija pryjšli da ŭłady raniej za Łukašenku?7

«Ludziam patrebna praca prafiesijanałaŭ». Cichanoŭskaja adreahavała na słovy Łukašenki pryciahnuć palitviaźniaŭ da likvidacyi zavałaŭ10

Kruty: Boh pasłaŭ urahan, kab prezident paradavaŭsia, što stvoranaja im sistema vystajała35

Borys Džonsan: Tramp moža vyratavać Ukrainu8

Minski zaapark zaklikaŭ biełarusaŭ padzialicca z žyviołami liškami ŭradžaju

Biełaruś ci Polšča: chto važniejšy handlovy partnior dla Kitaja?9

bolš čytanych navin
bolš łajkanych navin

Vyjšaŭ na volu staršynia AHP Mikałaj Kazłoŭ4

Hramadstvaabnoŭlena4

Vyjšaŭ na volu staršynia AHP Mikałaj Kazłoŭ

Hałoŭnaje
Usie naviny →