Svoječasovaje infarmavańnie ŭładaŭ u Kijevie dapamahło adbić ataku Rasii na stalicu Ukrainy ŭ pieršyja dni vajny. Dyrektar CRU raspavioŭ Zialenskamu ab płanach Kramla jašče ŭ siaredzinie studzienia, paviedamiła The Wall Street Journal.
Vyviedka ZŠA pieradała kiraŭnictvu Ukrainy płany rasiejskaha nastupu na Kijeŭ, što, mahčyma, adyhrała klučavuju rolu ŭ adbićci ahresii ŭ pieršyja dni vajny, paviedamiła ŭ piatnicu, 1 krasavika, amierykanskaja hazieta The Wall Street Journal (WSJ) sa spasyłkaj na infarmavanyja krynicy.
Pa źviestkach vydańnia, dyrektar Centralnaha raźviedvalnaha ŭpraŭleńnia (CRU) ZŠA Uiljam Bierns u siaredzinie studzienia tajemna naviedaŭ Kijeŭ, dzie sustreŭsia z prezidentam Ukrainy Uładzimiram Zialenskim i raspavioŭ jamu pra płany Maskvy. Tady, adznačaje WSJ, vyviedka ZŠA ŭžo viedała, što rasiejskija vojski naniasuć hałoŭny ŭdar z terytoryi Biełarusi praz Čarnobylskuju zonu adčužeńnia. Viedała raźviedka i ab płanach Maskvy zachapić aeradrom u Hostomieli pad Kijevam, kab vykarystoŭvać jaho ŭ jakaści płacdarma.
Hety aeradrom sapraŭdy byŭ zachopleny ŭ pieršy ž dzień rasiejskaha ŭvarvańnia 24 lutaha, kali tam vysadziŭsia desant, a rasiejskija vojski pačali nastup na Kijeŭ z poŭnačy. Adnak ukrainskija vajskoŭcy dziakujučy atrymanaj ad CRU infarmacyi paśpieli arhanizavać abaronu na race Irpień i nie puścili supiernika ŭ Kijeŭ. Heta dazvoliła stabilizavać front.
Niekalki dzion tamu rasiejskija vojski pačali pakidać terytoryju Kijeŭskaj vobłaści. Paviedamlajecca, što Rasija pierakidvaje hetyja častki ŭ Danbas. 2 krasavika Minabarony Ukrainy abviaściła ab poŭnym vyzvaleńni Kijeŭskaj vobłaści.
U artykule WSJ vykazvajecca zdahadka, što Pucin staviŭ metaj padparadkavańnie Ukrainy ciaham usich 20 hadoŭ svajho kiravańnia. U listapadzie minułaha hoda padrychtoŭka ŭzbrojenaha ŭvarvańnia ŭvajšła ŭ zaviaršalnuju fazu. Tady ž ZŠA stali papiaredžvać Maskvu pra nastupstvy ŭ vyhladzie žorstkich sankcyj.
U materyjale taksama paviedamlajecca ab tym, jak ZŠA abmiarkoŭvali padrychtoŭku da mahčymaj vajny va Ukrainie z zachodnimi sajuźnikami.
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku26
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary