Biełaruskija pravaabaroncy i hramadskija aktyvisty abviaścili zbor podpisaŭ pad zvarotam da prezidenta ZŠA Baraka Abamy, prezidenta Rasii Dźmitryja Miadźviedzieva, staršyni Jeŭrapiejskaj kamisii Žaze Manuela Barozu i premjera Šviecyi, dziejnaha prezidenta Jeŭrasajuza Fredryka Rejnfielta ŭ abaronu biełaruskich palitviaźniaŭ.
Aŭtary zvarotu zhadvajuć spravy Mikałaja Aŭtuchoviča, Uładzimira Asipienki i Arcioma Dubskaha, jakich, jak ličycca, trymajuć pad vartaj z palityčnych pryčyn.
Adnosna spravy Aŭtuchoviča, Asipienki i Lavonava, jakoha niadaŭna vyzvalili pad padpisku ab niavyjeździe, aŭtary vykazvajuć bojaź, što biełaruski sud razhledzić hetuju spravu za začynienymi dźviaryma.
«My źviartajemsia da vas z prośbaj akazać padtrymku ŭ arhanizacyi niezaležnaha mižnarodnaha rasśledavańnia spravy pradprymalnikaŭ z Vaŭkavyska i padtrymać naš zaklik da praviadzieńnia adkrytaha pracesu.
My taksama spadziajemsia, što vy dałučyciesia da našaha patrabavańnia ab nieadkładnym vyzvaleńni aktyvista «Maładoha frontu» i viaźnia sumleńnia Arcioma Dubskaha», — skazana ŭ zvarocie da Abamy, Miadźviedzieva, Barozu i Rejnfielta.
Nahadajem, pradprymalnik z Vaŭkavysku Mikałaj Aŭtuchovič i były vajskoviec Uładzimier Asipienka znachodziacca pad vartaj bolej za paŭhoda, aktyvist Arciom Dubski za kratami bolej za dva miesiacy.
Prapahandystka ANT Natalla Stelmach źmianiła imia na Naci Ryšna i zarablaje ŭ Mieksicy na šamanach i narkatyčnych hrybach50
Kamientary