Milicyja nie znajšła kramoły ŭ bukletach pra nacyjanalnyja simvały
Administracyjnaja sprava, zaviedzienaja na Nastu Pałažanku pa fakcie raspaŭsiudžańnia bukletaŭ na nacyjanalnuju tematyku ŭ Iviancy, spynienaja.
Namieśnica staršyni niezarehistravanaha «Maładoha Frontu» Nasta Pałažanka atrymała list ź Vałožynskaha rajonnaha adździeła milicyi z paviedamleńniem pra spynieńnie administracyjnaj spravy za raspaŭsiud bukletaŭ, pryśviečanych nacyjanalnym symbalam Biełarusi - bieł-čyrvona-biełamu ściahu j hierbu «Pahonia».
U liście za podpisam padpałkoŭnika Jakutoviča V.R paviedamlacca, što źmiest bukletaŭ nie supiarečyć zakanadaŭstvu Biełarusi, a tamu spravavodstva pa hetym fakcie spyniena.
«Nia dumaju, što heta prajava niejkich źmienaŭ ci demakratyčnych pieraŭtvareńniaŭ u krainie, chutčej - heta prosta ŭ niečym samastojna pryniataje rašeńnie rajonnaj milicyi, na jakuju nia cisnuli «źvierchu». U toj ža čas takoje rašeńnie - heta stymuł dla moładzi, prykład taho, što nia treba bajacca raspaŭsiudžvać materyjały, u jakich nie ŭtrymlivajecca ničoha kiepskaha», - miarkuje Nasta Pałažanka.
Nahadajem, niekalki tydniaŭ nazad aktyvistka MF Nasta Pałažanka była zatrymana katalickimi družyńnikami j milicyjantami padčas malitoŭnaj sustrečy ŭ Iviancy za raspaŭsiud bukletaŭ na nacyjanalnuju tematyku. Na dziaŭčynu byŭ składzieny administracyjny pratakoł.
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary