U sielhaskaapierytyvie «Łosk» padčas uborki zbožža pad kołami hruzavika MAZ zahinuŭ načalnik učastka sielckahaspadarčaha pradpryjemstva. Jon spaŭ paśla načnoha dziažurstva.
U sielhaskaapierytyvie «Łosk» (Vałožynski rajon) niedaloka ad vioski Vysokaje 16 žniŭnia padčas uborki zbožža pad kołami hruzavika MAZ zahinuŭ načalnik učastka sielckahaspadarčaha pradpryjemstva 1953 hoda naradžeńnia.
Cieła ŭ vałku sałomy znajšli tolki nastupnaj ranicaj. Jak paviedamili našamu vydańniu ŭ pravaachoŭnych orhanach Vałožynščyny, trahiedyja adbyłasia kala 15 hadzin.
Pavodle papiarednich źviestak, načalnik učastka, jaki na poli ličyŭ, kolki mašyn adhruzili kambajny, paśla abiedu prytamiŭsia,
pryloh u vałok adpačyć i zasnuŭ. Śviedki paśla śćviardžali taksama, što na rabocie mužčyna byŭ paśla načnoha dziažurstva na zbožžaskładzie.
MAZ ruchaŭsia ŭzdoŭž vałkoŭ abmałočanaha zbožža. Kab padjechać da kambajnaŭ, vadzicielu nieabchodna było paviarnuć i prajechać praz vałki, što jon i zrabiŭ.
Rabotniki sielhaskaapieratyva praciahvali pracavać na ŭboračnaj. Šukać načalnika ŭčastka, jaki źnik, pačali tolki viečaram, ale nie znajšli. Ranicaj 17 žniŭnia pošuki pradoŭžyli. Adzin z kambajnieraŭ skazaŭ, što bačyŭ, jak načalnik učastka pryloh u vałok i ŭ jakim miescy. Cieła znajšli mienavita tam, dzie pakazaŭ kambajnier. Na śpinie i hałavie zahinuŭšaha vyrazna byli bačnyja adbitki pratektara MAZa.
Vadziciel hruzavika śćviardžaje: jon nie bačyŭ mužčynu ŭ vałku i ničoha nie adčuŭ, prajazdžajučy praź jaho.
Dziaržaŭny miedycynski sudovy ekśpiert Dzina Aŭrajcevič, jakaja anatamiravała pamierłaha, skazała ŭ intervju našamu vydańniu, što a
snoŭnaja pryčyna śmierci — udar hałaŭnoha mozha, šmatlikija pierałomy kaściej čerapa i tvaru. Śmierć nastupiła imhnienna.
Pa fakcie zdareńnia na ŭboračnaj u sielskahaspadarčym vytvorčym kaapieratyvie «Łosk» 17 žniŭnia pravierku pačała pravodzić prakuratura Vałožynskaha rajona, paviedamiŭ «RH» namieśnik prakurora Vital Jurevič.
«My dla ich — miasa». Palitviazień vyjšaŭ ź miełanomaj, jon uskładaje vinu na načalnicu sančaści i prymusovaje haleńnie hałavy12
Kamientary