Hramadstva

«Pa supracoŭnikach pracuje niepasredna KDB». Padrabiaznaści zatrymańniaŭ na čyhuncy

Za tydzień zatrymali bolš za 30 čyhunačnikaŭ. Pa infarmacyi «Našaj Nivy», u niekatorych pastanovach na pieratrus byli paznačany artykuły pra teraryzm, zdradu radzimie, špijanaž. Što viadoma pa hetaj spravie i jak heta źviazana z apošnimi dyviersijami?

Biełaruskaja čyhunka viazie ešałon rasijskaj braniatechniki. Rajon stancyi Brest-Paŭdniovy.

Z apošniaha — dniami zatrymali čatyroch rabotnikaŭ homielskaha łakamatyŭnaha depo. Mašynista aryštavali na pracy, troch pamočnikaŭ — užo paśla źmieny. Ciapier čyhunačniki znachodziacca ŭ homielskim SIZA. 

«U pole zroku orhanaŭ traplajuć ludzi, jakija źviazanyja z rucham ciahnikoŭ, tyja, chto zabiaśpiečvaje praces pieravozak i pracuje ź infarmacyjaj abmiežavanaha raspaŭsiudu. Zatrymańni prachodziać z-za taho, što KDB sprabuje zabiaśpiečyć abaronu ad uciečki źviestak, jakija tyčacca vajennych pieravozak.

Pa supracoŭnikach čyhunki pracuje niepasredna KDB, zatrymańni pravodziać apieratyŭniki. Nakolki ja viedaju, u pastanovach na pieratrus byli paznačany artykuły pra teraryzm, zdradu radzimie, špijanaž.

Na pieratrusach u pieršuju čarhu ŭ ludziej zabirajuć ćviordyja dyski, źniešnija nazapašvalniki, usie elektronnyja pryłady. Na simvoliku hladziać u apošni momant», — kaža stačkamaviec z čyhunki.

Uvaha da Homiela nievypadkovaja — tam pieravałačny punkt dla vajennaj techniki.

«Raniej ešałony vieźli praz Oršu. Z-za dyviersij jany zaraz robiać inakš: honiać da Branska i tam praz Dobruš zajazdžajuć.

Ci zaminajuć dyviersii na čyhuncy prasoŭvańniu vojskaŭ? Tak. Kali nielha zabiaśpiečyć biaśpieku voinskaha ešałona, to jany nie buduć pahadžacca pakidać techniku. Stracić jaje niedzie na padychodzie — heta ryzyka.

Taksama zapavolvajecca na niekatory čas ruch ciahnikoŭ. Na apošniaj akcyi błakavali niekatoryja ŭčastki. Haśli ŭsie śviatłafory, patrabavaŭsia čas, kab vyjechali bryhady pa ramoncie, potym patrebny byŭ čas, kab heta ŭsio pieravieści ŭ ručny režym. Prapusknaja zdolnaść katastrafična padaje. Mahu taksama dadać, što zaraz vialiki deficyt supracoŭnikaŭ, jakija pracavali ź pieravozkami», — kaža stačkamaviec.

Z pačatku vajny na čyhuncy adbyŭsia šerah dyviersij. Na asobnych pierahonach źniščalisia relejnyja šafy, vyvodzilisia sa stroju prystasavańni aŭtamatyki. U vyniku hetaha ŭ pačatku sakavika RŽD na peŭny čas vymušana była spynić pierahon vajennych ešałonaŭ pa terytoryi Biełarusi. Paźniej jon adnaviŭsia, paśla zajaŭ biełaruskich uładaŭ, što ŭsie hrupy, datyčnyja da dyviersij, źniščany.

Ale supraciŭ praciahnuŭsia.

19 sakavika kiraŭnik Ukrainskaj čyhunki Alaksandr Kamyšyn zajaviŭ, što čyhunačnych znosin pamiž Biełaruśsiu i Ukrainaj ciapier nie isnuje. Jon padziakavaŭ za heta sumlennym biełaruskim čyhunačnikam.

Aproč źniščeńnia relejnych šafaŭ, byli kibier-ataki na karparatyŭnuju sietku čyhunki.

Chronika rejkavaj vajny ŭ Biełarusi-2022. Što viadoma na siońnia

Kamientary

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž7

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →