Šviejcarskaja kampanija Weatherford abmiežavała svaju pracu ŭ Rasii. Inšyja naftaservisnyja kampanii zrabili heta raniej
Šviejcarskaja kampanija Weatherford stała apošniaj z «vialikaj čaćviorki» naftaservisnych kampanij, jakija vyrašyli prypynić pastaŭki i novyja inviestycyi ŭ Rasiju, a taksama razhortvańnie novych technałohij u krainie. Pra heta havorycca ŭ zajavie prezidenta i hałoŭnaha vykanaŭčaha dyrektara kampanii Hiryša Salihrama.
«Našy najhłybiejšyja spačuvańni ŭsim, chto paciarpieŭ ad biahučaha kryzisu va Ukrainie. Ščyra spadziajomsia, što nieŭzabavie mir budzie adnoŭleny. Naša asnoŭnaja ŭvaha zasiarodžanaja na biaśpiecy i dabrabycie našych supracoŭnikaŭ u rehijonie», — skazaŭ Salihram.
Taksama jon adznačyŭ, što paśla ŭviadzieńnia sankcyj 24 lutaha kampanija prypyniła pastaŭki i lubyja novyja inviestycyi abo razhortvańnie novych technałohij u RF, dadaŭšy, što jany buduć praciahvać vykonvać ciapierašnija dahavornyja abaviazalnictvy ŭ ramkach dziejnaha mižnarodnaha zakanadaŭstva i sankcyj.
«My hłyboka zaniepakojenyja kryzisam i zaklikajem da chutkaha dypłamatyčnaha i mirnaha ŭrehulavańnia», — padkreślili ŭ Weatherford.
Da hetaha ŭžo try najbujniejšyja naftaservisnyja kampanii śvietu zajavili ab zhortvańni pracy ŭ Rasii: Halliburton, Schlumberger i Baker Hughes.
Pamierłaha 52-hadovaha aŭtaślesara ź Viciebska hod tamu strašna źbili milicyjanty10
Kamientary