Na haračaj linii ŭ toj dzień dziažuryŭ načalnik upraŭleńnia Uładzimir Andryjevič. Pryvodzim uryŭki z razmovy.

— Skažycie, kali łaska, dzie Azaronak padzieŭsia? Čamu nie bačna jaho pieradač?

— Pracuje jon. Pracuje, jak i pracavaŭ.

— A jamu za hety niedarečny śpič, jaki jon skazaŭ u pramym efiry, što «My nie pieramožam», ničoha nie było?

— Nu, vy viedajecie… Ja nie viedaju… Ja kuryruju vydavieckuju dziejnaść… Ja nie mahu skazać vam pra heta.

Na videa Uładzimir Andryjevič pamyłkova apaznany jak Uładzimir Matusievič

***

-— Vaša asabistaja pazicyja pa kanflikcie va Ukrainie?

— Nu, my nie budziem ab asabistaj pazicyi razmaŭlać. Tut, eee… nieadnaznačna ŭsio… Nie budziem razmaŭlać ja prašu vas…

— Ja razumieju. Ministerstva infarmacyi pavinna ž mieć niejkuju pazicyju. Jano albo asudžaje hetuju vajennuju ahresiju…

— Vy bačycie pa našych materyjałach, pa našaj pazicyi, ja dumaju, što jana zrazumiełaja i jasnaja.

— To-bok vy padtrymlivajecie rasijskuju ahresiju?

— Ihar Ivanavič, u vas jość pytańnie pa sutnaści?

***

Pavuk spytaŭ, ci budzie dziaržaŭnaja presa pisać, što Pucin — ahresar, što jon napaŭ na niezaležnuju dziaržavu.

— Ja pačuŭ, ale ja ž nie prymaju rašeńniaŭ, pa-pieršaje. Jość redakcyi haziet, vydańniaŭ i telebačańnia — heta vašaja pazicyja, ale jość ža jašče šmat inšych pazicyj.

— Jakija jašče jość pazicyi ŭ hetaj situacyi, raspaviadzicie.

— Ihar Ivanavič, ja nie budu hetyja pytańni z vami abmiarkoŭvać.

— Čamu? Heta nieistotnaje pytańnie? Heta nie pa sutnaści?

— Heta istotnaje pytańnie. Nie zajmajcie liniju — ludzi telefanujuć pa inšych pytańniach

***

Razmovu Pavuk skončyŭ vokličam:

— Słava Ukrainie!

— Budźcie zdarovyja, — adkazaŭ čynoŭnik.

Клас
1
Панылы сорам
1
Ха-ха
0
Ого
0
Сумна
0
Абуральна
1