Majli i Hierasimaŭ. Fota: commons.wikimedia.org.

Majli i Hierasimaŭ. Fota: commons.wikimedia.org.

Havorka idzie pra hienierała Marka Majli, kiraŭnika abjadnanaha kamiteta načalnikaŭ štaboŭ, i pra hienierała Valeryja Hierasimava, kiraŭnika Hienštaba Uzbrojenych sił Rasii. Majli i Hierasimaŭ nie kantaktavali pamiž saboj paśla pačatku rasijskaha ŭvarvańnia va Ukrainu, ale ŭ Pientahonie spadziajucca, što ich dobryja adnosiny dapamohuć ustalavać lepšyja kantakty pamiž Maskvoj i Vašynhtonam, piša Politico.

Pradstaŭnik Pientahona, ź jakim hutaryli žurnalisty, źviartaje ŭvahu voś na što. Ciapier, kali idzie baraćba za ŭkrainskuju pavietranuju prastoru, amierykanskija aficery chacieli b atrymać kanał dla apieratyŭnaha abmienu infarmacyjaj z rasijskim bokam. Ličycca, što taki kantakt moh by być zasnavany na adnosinach pamiž Majli i Hierasimavym.

Mahčymaść kamunikacyj robicca jašče bolš važnaj, bo ŭ apošnija dni amierykanskija dypłamaty atrymali zahad ustrymlivacca ad kantaktaŭ z rasijskimi kalehami. Paralelna z hetym u apošnija 48 hadzin Vašynhton i Maskva spynili pieramovy pa stratehičnaj stabilizacyi, nakiravanyja na prypynieńnie kanfliktu.

U toj ža čas z paharšeńniem kanfliktu tolki pavialičvajecca ryzyka pramoj kanfrantacyi pamiž NATA i Rasijaj. Amierykanskija stratehi nie vielmi ŭpeŭnienyja ŭ tym, čaho žadaje Pucin i ci źbirajecca jon atakavać terytoryju krain NATA. Lubyja takija dziejańni zakranuć Artykuł 5 damovy NATA, zhodna ź jakim napad na adnu krainu NATA aznačaje napad na ŭsie krainy aljansu.

Клас
0
Панылы сорам
0
Ха-ха
0
Ого
0
Сумна
0
Абуральна
0