Uładzimir Zialenski źviarnuŭsia da Uładzimira Pucina. Jon zaklikaŭ sieści za stoł pieramovaŭ
Prezident Ukrainy Uładzimir Zialenski vystupiŭ sa zvarotam. Jon prapanavaŭ Rasii pieramovy.
Zialenski skazaŭ, što «ŭvarvańnie Rasii va Ukrainu — heta nie prosta ŭvarvańnie, heta pačatak vajny suprać Jeŭropy».
Jon raspavioŭ, što druhi dzień Ukraina zaznaje rakietna-bombavyja ŭdary, avijanaloty, padobnyja da tych, što Jeŭropa bačyła padčas Druhoj suśvietnaj vajny 75 hod tamu.
Zialenski skazaŭ, što niahledziačy na ŭsie ŭviedzienyja sankcyi suprać Rasii, jaje tanki ŭsio jašče stralajuć pa žyłych budynkach, bronietechnika atakuje hramadzian Ukrainy.
«Jeŭropa maje dastatkova siły, kab spynić ahresiju», — skazaŭ Zialenski.
Jon prapanavaŭ dadatkova uvieści adklučeńnie Rasii ad SWIFT, naftavaje embarha, anulavać vizy rasijanam i adklikać pasłoŭ z Rasii.
Taksama jon źviarnuŭsia da Pucina.
«Chaču jašče raz źviarnucca da prezidenta Rasijskaj Fiederacyi. Pa ŭsioj terytoryi Ukrainy iduć bai. Davajcie sadzicca za stoł pieramovaŭ, kab spynić hibiel ludziej», — skazaŭ Zialenski.
Siońnia ministr zamiežnych spraŭ RF Siarhiej Łaŭroŭ paviedamiŭ, što Rasija hatovaja da pieramovaŭ, jak tolki ŭkrainskija vajskoŭcy składuć zbroju.
Bolš navinaŭ pa temie čytajcie ŭ našym ANŁAJNIE
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii6
Kamientary