Śviet

Ofis Zialenskaha: Praciahvajucca bai praktyčna na ŭsioj terytoryi Ukrainy

Daradca prezidenta Ukrainy Michaił Padalak paviedamiŭ, što praciahvajucca bai praktyčna na ŭsioj terytoryi Ukrainy pablizu miežaŭ z Rasijaj i Biełaruśsiu.

Michaił Padalak. Fota: president.gov.ua

«Rasijskija vojski, jakija atakavali Ukrainu, uziali apieratyŭnuju paŭzu i ažyćciaŭlajuć pierahrupoŭku sił, ale pazicyjnyja bai praciahvajucca praktyčna pa ŭsioj krainie pablizu miažy z Rasijskaj Fiederacyjaj i Biełaruśsiu», — pra heta zajaviŭ daradca kiraŭnika Ofisa prezidenta Michaił Padalak na bryfinhu.

Pavodle jaho słoŭ, žorstkija bai praciahvajucca na poŭdni Ukrainy.

«Pad udaram znachodziacca Hieničask, Skadoŭsk, Novaja Kachoŭka. Vielmi šmat fota- i videafiksacyi razbureńniaŭ, jakija nanosiać rasijskija ŭzbrojenyja siły ŭžo navat cyvilnaj infrastruktury», — skazaŭ Michaił Padalak.

Jon adznačyŭ, što žorstkija bai taksama iduć na Danieckim i Łuhanskim kirunkach, i ŭzbrojenyja siły Ukrainy byli hatovyja da takoha raźvićcia padziej. «Ukrainskija abaroncy vielmi aktyŭna akazvajuć supraciŭ i navat adkidvajuć supiernika na niekatoruju adlehłaść ad miežaŭ».

Daradca Ofisa kiraŭnika dziaržavy adznačyŭ, što Ukraina pa-raniejšamu kantraluje pastaŭki praduktaŭ charčavańnia i infrastrukturu, jakaja zabiaśpiečvaje paŭsiadzionnaje žyćcio ludziej.

Michaił Padalak adznačyŭ, što na poŭdni i ŭschodzie Ukrainy rasijskija ŭzbrojenyja siły atakujuć nie tolki vajskovuju infrastrukturu, ale i pačali nanosić udary pa cyvilnych abjektach.

«U Vuhladary pad abstreł reaktyŭnymi załpavymi sistemami trapiła balnica. Hetak ža «hradami» atakujuć mikrarajony Maryupala», — adznačyŭ daradca kiraŭnika Ofisa prezidenta.

Akramia taho, pavodle jaho słoŭ, z terytoryi Biełarusi nie tolki zajšli suchaputnyja vojski ahresara, ale i byli ažyćcioŭlenyja ŭdary čatyrma balistyčnymi rakietami pa terytoryi Ukrainy. «Heta jurydyčnyja dokazy Vialikaj vajny, jakuju raźviazała RF suprać Ukrainy z dapamohaj Biełarusi, i jany pavinny być zafiksavanyja», — padkreśliŭ Michaił Padalak.

«Jość taksama apieratyŭnyja źviestki, što niekalki hrupovak Rasijskaj Fiederacyi chacieli ździejśnić terarystyčny akt na Čarnobylskaj AES i vyklikać mahutnuju ekałahičnuju katastrofu. Heta istotna mianiaje karcinu taho, što adbyvajecca va Ukrainie. Zrazumieła, što RF nie prosta choča zrynuć ŭrad ci zamianić jaho na maryjanietačnych vykanaŭcaŭ — jana choča paciahnuć maksimalnyja razbureńni va Ukrainie. Navat ekałahičnaha charaktaru», — adznačyŭ daradca kiraŭnika Ofisa prezidenta Ukrainy.

Kamientary

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →