Hramadstva

«A treciaj nočy adčynilisia dźviery z krykami: «Vajna pačałasia!». Viadomyja biełarusy, jakija ciapier va Ukrainie, raskazvajuć pra sproby evakuacyi

Va Ukrainie apošnim časam žyvie šmat našych artystaŭ. «Naša Niva» daviedałasia, što jany pradprymajuć ciapier. Chtości sprabuje pakinuć krainu, chtości spuskajecca ŭ bombaschovišča.

Juryj Stylski ŭ Lvovie. Fota: Instahram

 «Mnie rajać nieadkładna źbirać čamadany, ale mnie padabajecca Ukraina»

Lidara hurta «Daj Darohu!» Juryja Stylskaha vajna zaśpieła ŭ Lvovie. Jon raskazvaje, što zranku vyli sireny, ale viertaloty nad horadam nie lotajuć. Kramy mnohija zakrytyja, palicyja chodzić z aŭtamatami.

«U mianie ŭsio było nibyta ŭ kino, — raskazvaje Juryj pra toje, jak pačaŭsia jaho dzień. — Ja nie adzin žyvu: a treciaj hadzinie nočy adčynilisia dźviery z krykami: «Vajna pačałasia!».

Stylski kaža, što ŭ jaho jość mahčymaść vyjechać, ale pakul jon sočyć za situacyjaj.

«Ja źbiraŭsia paźniej jechać u Polšču, a ciapier, jak mnie rajać, treba nibyta nieadkładna źbirać čamadany. Čamadan amal sabrany, ale zastalisia jašče pytańni, jakija nie pieraškadžała b vyrašyć. I mnie nasamreč nie chočacca adsiul źjazdžać — mnie padabajecca Ukraina. Vielmi situacyja napružvaje, nie viedaju, jak jana budzie vyrašacca.

Moža, varta chacia b na čas pakinuć. Ja nie vajennabaviazany va Ukrainie i niama znajomych, jakija iduć na vajnu i kličuć mianie z saboj», — dzielicca dumkami Juryj.

«Dzieci padnialisia ad voju siren»

U Kijevie ciapier śpiavačka Kaciaryna Vadanosava. Jany ź siamjoj (muž i dvoje dziaciej) sprabujuć pakinuć horad.

Archiŭnaje fota: fejsbuk

«Kaleha na mašynie pasadziŭ na zadniaje siadzieńnie ŭsiu maju siamju, i my ciapier sprabujem vyjechać. Dumajem dabracca da Lvova, a što dalej — tam budzie bačna», — kaža Kaciaryna.

Zahadzia rečy jana nie źbirała.

«Ale ja pračnułasia a druhoj hadzinie nočy — u mianie chraničnaje biassońnie — i nie zasnuła da 5-j. I a 5-j mianie padniali z łožka vybuchi. A 7-j ranicy dzieci padnialisia ad voju siren, i stała zrazumieła, što štości treba rabić. Ale što, my doŭha nie mahli ŭciamić, bo svajoj mašyny niama».

Dźvie nievialičkija valizki na čaćviarych i nievialiki zaplečnik dla kožnaha — z takim naboram rečaŭ siamja vyjazdžaje z Kijeva. Hołas u Kaciaryny spakojny.

«Viedajecie, ja ŭžo stamiłasia niervavacca. Zranku było strašna, kali čulisia vybuchi. My bačyli źniščalniki z akna. Tady było vielmi mutarna. Ale ja vielmi vialikuju palohku adčuła, kali my sieli ŭ mašynu — usio ž taki ŭ nas jość šaniec vybracca».

 «Kali nam paščaścić, trapim u niejki humanitarny kalidor»

Dzianis Tarasienka, muzyka hurta «RSP», u abied padčas našaha zvanka znachodziŭsia ŭ horadzie Irpień (Kijeŭskaja vobłaść).

Archiŭnaje fota: instahram

«Sprabuju zapravić svoj aŭtamabil. Ja vyjechaŭ na zapraŭku a 9-j ranicy i dahetul da jaje nie dajechaŭ — vieličeznyja zatory, kałaps na darohach. Ludzi źmiatajuć usio, što bačać — u płanie praduktaŭ, paliva. Va ŭsio, u što možna, nalivajuć paliva».

Z saboj muzyka ŭziaŭ minimum rečaŭ — hrošy, dakumienty, vadu i samaje nieabchodnaje.

«Budziem abmiarkoŭvać ź siabrami, kudy ruchacca, i, moža, vysuniemsia ŭ bok zachodniaj Ukrainy, bližej da Polščy. Kali nam paščaścić, mahčyma, u niejki humanitarny kalidor trapim».

 «Kijaŭlanie skupili ŭsiu zbroju i bojeprypasy»

Šoŭmen Dzianis Dudzinski razam z žonkaj Kaciarynaj Rajeckaj taksama ŭ Kijevie. U Instahramie jany pišuć, što zastajucca ŭ horadzie, bo pakul niama mahčymaści evakujavacca.

«Vadoj i ježaj zapaślisia. Eletryčnaść i suviaź jość. U horadzie pusta, ale ŭsio pracuje. Prajezd biaspłatna», — pisaŭ Dzianis.

Susiedzi ŭ padvale ich doma zrabili bombaschovišča.

Dzianis Dudzinski ŭ bombaschoviščy. Fota: instahram

Dudzinski raspaviadaje pra situacyju ŭ horadzie.

«Kijaŭlanie skupili ŭsiu zbroju i bojeprypasy. Va Ukrainie zbroja ŭ volnym dostupie — «nie całkam aŭtamatyčnaja zbroja i drabaviki ŭ nieabmiežavanaj kolkaści». Zabrali pa damach i evakujavali ŭsich vuličnych katoŭ i sabak. Dla tych, jakich nie znajšli ci nie dahnali, pakinuli la padjezdaŭ i ŭ padvałach tydniovy zapas ježy i pitva».

Kamientary

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →