Śviet

Situacyja va Ukrainie: ścisła raskazvajem, što viadoma na hety momant

Niahledziačy na masiravanuju ataku rasijskich vojskaŭ u roznych rehijonach, Ukraina mužna akazvaje supraciŭ. Prychodziać paviedamleńni ab stratach z boku Uzbrojenych siłaŭ RF, źjavilisia kadry ŭziatych u pałon sałdat. Mižnarodnaja supolnaść abiacaje žorstki adkaz.

— Vajna pačałasia a 5-j ranicy (pavodle kijeŭskaha času). Streły i vybuchi było čuvać pad Kijevam, u Charkavie, Maryupali, Adesie. Va Ukrainie abviaścili vajennaje stanovišča. U haradach pieryjadyčna čutnyja sireny. Dla žycharoŭ uvachod u mietro staŭ biaspłatnym — tam chavajucca ad abstrełaŭ. Na vyjeździe sa stalicy ŭźnikli vialikija zatory.

— Uładzimir Zialenski zajaviŭ, što Ukraina razarvała dypłamatyčnyja adnosiny z Rasijaj. Napad RF jon paraŭnaŭ ź dziejańniami Hitlera ŭ 1941 hodzie. Jon zapeŭniŭ, što vojski krainy viaduć ciažkija bai, vorah niasie vialikija straty.

— Žorstkija bai adbylisia ŭ rajonie Charkava, Maryupala, Ščaścia i Sumaŭ. Dniom ukraincy abviaścili, što Rasija straciła 7 samalotaŭ, 4 viertaloty, bolš za 10 adzinak braniavanaj techniki i kala 100 čałaviek asabovaha składu. Niekatoryja vajskoŭcy z RF byli ŭziatyja ŭ pałon.

— Minabarony RF u svaju čarhu paviedamlaje, što ŭ vyniku rasijskich udaraŭ vyviedzienyja sa stroju 74 naziemnyja abjekty vajskovaj infrastruktury Ukrainy, padčas bajavych dziejańniaŭ zdalisia 14 vajenasłužačych Ukrainy. Tam pryznali, što stračany rasijski Su-25, lotčyk jakoha katapultavaŭsia.

— Rehularna źjaŭlajucca paviedamleńni ab zahinułych vajennych i cyvilnych hramadzianach. Tak, u vyniku abstrełu šmatkvaternaha doma ŭ Čuhujevie Charkaŭskaj vobłaści zahinuŭ chłopčyk. A paśla ataki na vajskovuju čaść u Adeskaj vobłaści — 18 čałaviek. U Bravarach — 6 zahinułych. Paviedamlałasia, što z ukrainskaha boku zahinuli bolš za 40 čałaviek, dziasiatki paranienych.

— Dziaržaŭnaja pahraničnaja słužba Ukrainy zajaŭlaje, što rasijskija vojski atakavali krainu taksama z terytoryi Biełarusi. Miažu abstrelvajuć z artyleryi, ciažkaj techniki i strałkovaj zbroi. Dniom źjaviłasia infarmacyja Uzbrojenych sił Ukrainy, što z RB byli vypuščanyja 4 balistyčnyja rakiety ŭ paŭdniova-zachodnim nakirunku.

— Łukašenka abviarhaje, što biełaruskija vojski prymajuć udzieł u napadzie na Ukrainu. Jon śćviardžaje, što padčas apošniaj sustrečy ŭ Maskvie asabista prapanavaŭ Pucinu pakinuć niekatoruju kolkaść uzbrojenych sił RF na poŭdni Biełarusi.

— Śviatłana Cichanoŭskaja źviarnułasia da biełarusaŭ i zajaviła, što stvaraje orhan ułady — pierachodny kabiniet. «Ja budu vykonvać abaviazki pradstaŭnika biełaruskaha naroda i haranta jaho pravoŭ i svabod da novych vybaraŭ», — skazała jana.

— Pres-sakratar Kramla Dźmitryj Piaskoŭ zajaviŭ, što metami vajennaj apieracyi Rasii źjaŭlajucca «demilitaryzacyja i denacyfikacyja Ukrainy». Praciahłaść apieracyi «vyznačyć prezident RF».

— Usie pamiežnyja punkty na miažy Ukrainy i Biełarusi prypynili pracu na niavyznačany termin. RB zakryvaje častku pavietranaj prastory dla palotaŭ hramadzianskaj avijacyi.

— Viadomyja ludzi z Rasii i Biełarusi adreahavali na vajnu. U pryvatnaści, asudzili napad na Ukrainu palityk Alaksiej Navalny, śpiavak Valeryj Mieładze, piśmieńnik Barys Akunin, televiadučy Ivan Urhant. Siarod biełarusaŭ, jakija vykazalisia — televiadučy Dzianis Dudzinski, baskietbalistka Kaciaryna Snycina, eks-hienieralny dyrektar BATE Michaił Zaleŭski. Analityk Siarhiej Čały vyjšaŭ na pikiet kala ambasady Rasii ŭ Polščy z płakatam «Ch*j vajnie».

— Valutny rynak rezka adreahavaŭ na padziei. Dalar vyras na 15,58 kapiejki da 2,7977 biełaruskaha ruboja. Heta absalutny rekord usich časoŭ (papiaredni byŭ 2,6676). Jeŭra padaražeŭ na 14,3 kapiejki da 3,1375 rubla.

— Mižnarodnaja reakcyja taksama nie prymusiła siabie čakać. Zachad abiacaje žorstkija sankcyi. Łatvija i Čechija adklikajuć pasłoŭ z RF. Polskija ŭłady nie vyklučajuć zakryćcia miežaŭ z Rasijaj i Biełaruśsiu. Bielhija prapanuje spynić vydaču vizaŭ usim hramadzianam Rasii. U 19-00 (pa kijeŭskim časie) čakajecca zvarot Džo Bajdena.

Kamientary

Padaje kurs dalara — čamu tak?6

Padaje kurs dalara — čamu tak?

Usie naviny →
Usie naviny

Stryžak raskazaŭ, ci maje prezidenckija ambicyi6

«Dačka Mara płakała ad hora». U Maładziečnie družalubny łabrador niečakana dla ŭsich źjeŭ nutryju Kapibaru — usieahulnuju lubimicu9

Zołatavalutnyja reziervy Polščy pieravysili rekordnyja $200 miljardaŭ7

Chto taki Vadzim Krasikaŭ, u jakim tak zacikaŭlenaja Rasija?1

U Kałužskaj vobłaści paciarpieŭ krušeńnie viertalot Mi-28, ekipaž zahinuŭ2

Samaje poźniaje rašeńnie VAR u historyi. Hoł Arhienciny na Alimpijadzie admianili tolki praź dźvie hadziny2

Chto toj chłopiec, jaki padarvaŭ rasijskaha aficera ŭ Maskvie i byŭ aryštavany ŭ Turcyi6

Džo Bajden: Ja pieradaju estafietu novamu pakaleńniu2

«Raptam nie pryjšoŭ na pracu, a praz paru dzion jaho zatrymali». Novyja padrabiaznaści pra niemca, prysudžanaha da rasstrełu ŭ Biełarusi1

bolš čytanych navin
bolš łajkanych navin

Padaje kurs dalara — čamu tak?6

Padaje kurs dalara — čamu tak?

Hałoŭnaje
Usie naviny →