Hramadstva

Biełaruski aficer pra słovy Łukašenki: Biełaruskich sałdat adpraviać vajavać, kali Rasija budzie prajhravać

«My tut apraŭdvacca nie budziem z nahody taho, što my ŭdzielničajem, nie ŭdzielničajem u hetym kanflikcie. Našych vojskaŭ tam niama. Ale kali treba budzie, kali heta budzie nieabchodna Biełarusi i Rasii, jany buduć», — skazaŭ siońnia Łukašenka. Dziejny vysokapastaŭleny aficer patłumačyŭ «Našaj Nivie», jak heta treba razumieć. 

Fota Minabarony Biełarusi.

«Pačynajuć vajnu, dumajučy pra pieramohu, naturalna. Ale ŭ vypadku niehatyŭnaha dla Rasii raźvićcia padziej, dumaju, vidavočna, što i našy vojski (technika i žyvaja siła) taksama voźmuć udzieł — nahodu znojduć. 

My ž «najbližejšy sajuźnik», i, što važna, — najbližejšy da Kijeva sajuźnik pa adlehłaści da jaho. 

Inšymi słovami, kali Rasija budzie ciarpieć parazu i nie dasiahać met ułasnymi siłami, to Łukašenku pryjdziecca achviaravać žyćciami i biełaruskich sałdat, u nas adnosna vialikaje vojska, jakoje moža paŭpłyvać na chod kanfliktu. 

Ci zmoža hetamu supraciŭlacca Łukašenka? Jon svoj vybar užo zrabiŭ, pradastaviŭšy płacdarm. Pra toje, što biełaruski bok nie ŭdzielničaje ŭ kanflikcie, našy hienierały mohuć zalivać, jak toj kazaŭ, «samym maleńkim».

Čytajcie taksama: Łukašenka: Našych vojskaŭ va Ukrainie niama. Ale kali heta budzie nieabchodna Biełarusi i Rasii, jany buduć

«Pucin skaža — jon zrobić, — miarkuje aficer. — Inšaja reč, što biełaruskija aficery i sałdaty, u adroźnieńnie ad ruskich, asabliva nie razumiejuć, čamu treba vajavać z Ukrainaj. Zavarvajecca takaja kaša, što niajasna, ci dastaniem my ŭ vyniku z kastruli», — skazaŭ vajskoviec.

Na dumku aficera, u vypadku adpraŭki biełaruskich vajskoŭcaŭ va Ukrainu buduć zadziejničanyja jak kantraktniki, tak i sałdaty terminovaj słužby. «Upieramiešku, zhodna z kamplektam. Tolki kantraktnikaŭ na Ukrainu nie chopić», — miarkuje jon. 

Kamientary

Padaje kurs dalara — čamu tak?4

Padaje kurs dalara — čamu tak?

Usie naviny →
Usie naviny

Zołatavalutnyja reziervy Polščy pieravysili rekordnyja $200 miljardaŭ7

Chto taki Vadzim Krasikaŭ, u jakim tak zacikaŭlenaja Rasija?1

U Kałužskaj vobłaści paciarpieŭ krušeńnie viertalot Mi-28, ekipaž zahinuŭ2

Samaje poźniaje rašeńnie VAR u historyi. Hoł Arhienciny na Alimpijadzie admianili tolki praź dźvie hadziny2

Chto toj chłopiec, jaki padarvaŭ rasijskaha aficera ŭ Maskvie i byŭ aryštavany ŭ Turcyi6

Džo Bajden: Ja pieradaju estafietu novamu pakaleńniu1

«Raptam nie pryjšoŭ na pracu, a praz paru dzion jaho zatrymali». Novyja padrabiaznaści pra niemca, prysudžanaha da rasstrełu ŭ Biełarusi1

U Dobrušskim rajonie aśviacili chleŭ z karovami FOTAFAKT7

Biełarus nakarmiŭ vuža rybaj i źniaŭ praces na VIDEA1

bolš čytanych navin
bolš łajkanych navin

Padaje kurs dalara — čamu tak?4

Padaje kurs dalara — čamu tak?

Hałoŭnaje
Usie naviny →