Sacyjołahi ŭ Rasii pryznali, što Danbas nie vyklikaje takoha entuzijazmu, jak Krym
Pryznańnie «ŁDNR» i zaklučeńnie Rasijaj damovaŭ pra ŭzajemnuju abaronu ŭchvalajuć 73—78% apytanych, suprać — 14—16%. Takija ličby padaje Usierasijski centr vyvučeńnia hramadskaj dumki (VCIOM).
VCIOM apublikavaŭ pieršyja źviestki daśledavańnia ab staŭleńni rasijan da rašeńnia ŭładaŭ ab pryznańni niezaležnaści «Danieckaj i Łuhanskaj narodnych respublik».
Bolšaść rasijan paviedamili, što ŭ toj ci inšaj stupieni viedajuć pra toje, što Uładzimir Pucin abviaściŭ ab pryznańni niezaležnaści «Danieckaj i Łuhanskaj narodnych respublik» u suviazi sa zvarotam ich kiraŭnikoŭ (92%), dobra viedajuć i čytali pra heta padrabiaznaści 66% hramadzian. Čverć čuli pra heta biez padrabiaznaściaŭ (26%). Nie čuli pra padzieju 8%.
Try čverci apytanych chutčej padtrymlivajuć rašeńnie prezidenta Rasii ab pryznańni niezaležnymi «Danieckaj i Łuhanskaj narodnych respublik» (73%), chutčej nie padtrymlivajuć — 16%, a kožny dziasiaty rasijanin nie zmoh adkazać na pytańnie (11%).
Vykazali padtrymku rašeńniu prezidenta nakont padpisańnia damovy pra siabroŭstva, supracoŭnictva i ŭzajemadapamohu pamiž Rasijaj i «Danieckaj i Łuhanskaj narodnymi respublikami» bolšaść rasijan — 78%. Chutčej nie padtrymlivajuć hetaje rašeńnie 14% apytanych.
Hetyja ličby — nižejšyja, čym anałahičnyja pry dałučeńni Kryma ŭ 2014 hoda, kali heta znajšło padtrymku 90—95% rasijan.
VCIOM — heta sacyjałahičny instytut, sto pracentaŭ jakoha naležyć dziaržavie, jon absłuhoŭvaje paradak dnia ŭładaŭ Rasii.
Raptoŭna pamior 34-hadovy biełaruski repier Emia Afišł1
Raptoŭna pamior 34-hadovy biełaruski repier Emia Afišł
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2525
Kamientary