Hazieta Łukašenki nazvała studentak BDU «pisiuchami». A 71-hadovuju prafiesarku — «chachlacka-bydlacka»
Pad ahoń prapahandy trapili doktarka fizika-matematyčnych navuk Natalla Abrašyna-Žadajeva i studenty fakulteta žurnalistyki.
«Minimum dźvie čaćviortakurśnicy z zadavalnieńniem vyvalili ekstremistam z «Našaj Nivy» hadaści pra svajho vykładčyka Liliju Ananič. Taja sumlenna sprabavała ŭ miežach svajho kursu pryvić pisiucham roznabakovyja pohlady na składanyja rečy», — piša vydańnie «SB. Biełaruś siehodnia».
«Lekcyi było ahidna słuchać, paśla pieršaha sieansu prapahandy ŭ mianie ŭvieś dzień baleła hałava, tamu što ŭ ćviarozym rozumie ciažka ŭsprymać hetuju infarmacyju», — raskazvali studentki «Našaj Nivie».
«Nie, heta tamu, što hałava zanadta maleńkaja. Voś i balić, nie ŭmiaščajučy», — kamientuje prezidenckaje vydańnie.
«Nie było takoha, što padčas lekcyi jana ŭ kahości pytałasia mierkavańnie. Siadzić i sama sabie havoryć nibyta. Nichto jaje nie słuchaŭ, usie zajmalisia svaimi spravami», — kažuć studentki.
«A heta tamu, što vy vučycca pryjšli. A nie naadvarot», — kamientuje «SB».
U tym ža artykule prezidenckaja hazieta vylivaje pamyi i na doktara fizika-matematyčnych navuk Natallu Abrašynu-Žadajevu: «Sprava ŭ tym, što ŭ BDU ź joj bolš nie chočuć pracavać. A jana voś napakaz upiorłasia: nie pajdu».
Prezidenckaja hazieta nazyvaje prafiesara Abrašynu-Žadajevu «dacentam» i tłumačyć jaje ŭčynak, zachoŭvajem arfahrafiju aŭtara, — «chochlacka-bydlacka vpiertaść».
«Hałoŭnaje — ačyścić krainu ad takich», — piša vydańnie.
71-hadovaja Natalla Abrašyna-Žadajeva pracuje ŭ navucy z 1972 hoda. Jana vieteran pracy, sioleta spaŭniajecca 50 hadoŭ jaje pracoŭnaha stažu. Prafiesarku kafiedry vyšejšaj matematyki BDU zvolnili paśla taho, jak jana zapisała zvarot u abaronu svajho zvolnienaha kalehi Maksima Šundałava.
«SB. Biełaruś siehodnia» — heta vydańnie Administracyi prezidenta. Jak i inšyja padobnyja ŚMI, jano farmalna ličycca dziaržaŭnym, ale ŭ realnaści nie adlustroŭvaje ŭsiaho śpiektru mierkavańniaŭ hramadzian dziaržavy.
Čytajcie jašče: Hazieta Łukašenki nazvała Aleksijevič «bolnoj žienŝinoj» i «staroj duroj»
Jak ciapier vyhladaje palitźniavoleny Juraś Ziankovič. Jon nie ŭ robie, a ŭ cyvilnym kaściumie9
Kamientary