Cieła viedaje, kali ŭ vas vyharańnie. Jak nie prapuścić jaho prykmiety?

Vyharańnie — nie chvaroba, chutčej, heta prajava chraničnaha stresu. Suśvietnaja arhanizacyja achovy zdaroŭja apisvaje jaho jak pracoŭny fienomien, jaki charaktaryzujecca źniasileńniem, cynizmam i źnižanaj efiektyŭnaściu pracy. Heta stan, kali vy nie paśpiavajecie z pracaj da dedłajnaŭ, adčuvajecie razdražnieńnie, pačynajecie hryźcisia z kalehami, piša New York Times.

Ale ž stres, asabliva mocny, maje vialiki ŭpłyŭ na naša cieła, i historyja z vyharańniem — nie vyklučeńnie. Naprykład, vyharańnie možna raspaznać pa zbojaŭ snu i načnych kašmarach. Jość mierkavańnie, što chraničny stres upłyvaje na składanuju nieŭrałahičnuju i harmanalnuju sistemu, jakaja rehuluje son. Kali ž vy niedasypajecie, heta jašče bolš škodzić arhanizmu, u tym liku i sistemie rehulavańnia snu.

Inšyja raspaŭsiudžanyja simptomy vyharańnia — chraničnaja fizičnaja stomlenaść i źmieny ŭ charčovych zvyčkach. U takoj situacyi adny ludzi mohuć jeści mienš, bo jany zanadta zaniatyja ci prosta nie mohuć dumać pra ježu. Druhija, naadvarot, pačynajuć pakavać u siabie kałoryi tonami. Harmony taksama mohuć upłyvać na apietyt: kali čałaviek pakutuje ad praźmiernaha stresu, harmony nie daduć jamu adčuvać siabie nadta hałodnym.

Pakutujecie ad hałaŭnych bolaŭ? I heta moža być prykmietaj vyharańnia. Taksama važna pamiatać, što vyharańnie moža iści ŭ pary z depresijaj i pavyšanaj tryvožnaściu, i hetyja źjavy taksama majuć svaje simptomy. Depresija moža prajaŭlacca muskulnymi i zubnymi bolami, prablemami sa snom i źmienami ŭ apietytu. Što da pavyšanaj tryvožnaści, pry joj časam fiksujuć hałaŭnyja boli, młosnaść i zadyšku.

Što rabić, kali adčuvajecie vyharańnie

Kali vy zaŭvažajecie ŭ siabie fizičnyja prajavy vyharańnia, nie varta ich ihnaravać. Pažadana źviarnucca da śpiecyjalista, naprykład, da terapieŭta ci psichaterapieŭta, a taksama zadumacca pra toje, što vam varta źmianić u svaim žyćci.

Badaj, vy znojdziecie mahčymaść choć niejak źnizić uzrovień stresu ŭ vašym žyćci navat kali pracy zavał. Naprykład, možna zamaŭlać dastaŭku ježy, a nie hatavać. Možna paprasić kalehu padmianić u niejkich spravach. Narešcie, pašukajcie varyjanty sacyjalnaj padtrymki dla siabie — siarod ich moža być sieans u psichaterapieŭta ci sustreča ź siabrami, navat u anłajnie.

Što datyčyć pracy, padumajcie, jak by vy mahli palepšyć dla siabie pracoŭnyja ŭmovy, kab źnizić uzrovień stresu. Adpačynak taksama moža dapamahčy, ale heta tolki časovy srodak vyrašeńnia prablemy. Narešcie, nie škadujcie času na sport i chobi. Pachod u basiejn, 20 chvilin raźby pa drevie ci hartańnie siamiejnaha fotaalboma za viačeraj mohuć pavysić vašu pracazdolnaść.

Nazvanyja try pradukty, abaviazkovyja dla štodzionnaha ŭžyvańnia

Prostyja sposaby, jak źnizić chalesteryn bieź lekaŭ

• 1
• 0
• 0
• 0
• 0
• 0
• 0
• 0