270 mihrantaŭ pahadzilisia pakinuć Litvu dobraachvotna, jany atrymajuć 1000 jeŭra
270 mihrantaŭ, jakija nielehalna trapili ŭ Litvu ŭ hetym hodzie, užo pahadzilisia dobraachvotna viarnucca ŭ krainu pachodžańnia kamiercyjnymi rejsami na nastupnym tydni. Jany atrymajuć vypłatu ŭ pamiery 1000 jeŭra, paviedamlaje Delfi.lt.
«Na hety momant u nas 272 čałavieki, jakija pakinuć krainu, absalutnaja bolšaść — z kampiensacyjaj u 1000 jeŭra. Adzinki palacieli i nie atrymali hetych vypłat», — skazaŭ namieśnik načalnika Słužby achovy dziaržaŭnaj miažy Litvy Rymantas Piatraŭskas.
Pavodle jaho słoŭ, absalutnaja bolšaść mihrantaŭ składajuć hramadzianie Iraka, niekalki čałaviek viartajucca ŭ Rasiju i Indyju. Mihrantaŭ pieravoziać kamiercyjnymi rejsami, jašče kala 80 čałaviek nie pakinuli krainu.
«Jany palaciać u najbližejšy čas, bo rejsy ŭ Stambuł vykonvajucca šeść dzion na tydzień, a zatym ich padzielać u zaležnaści ad taho, kamu i kudy treba. Dumajem, što hetyja ludzi vyleciać da siaredziny nastupnaha tydnia», - skazaŭ Piatraŭskas.
Słužbovyja asoby supravadžajuć mihrantaŭ u Vilenski aeraport, da samalota, dzie vydajuć pa 1000 jeŭra.
Pa słovach R. Piatraŭskasa, paśla pamianšeńnia vypłat z 1000 da 300 jeŭra z 21 studzienia hetaj mahčymaściu karystajucca niešmatlikija.
Byłaja žonka Kamisaranki raskazała, čamu schavała ad jaho svajo minułaje vebkam-madeli10
Kamientary