Fota: Wikimedoa Commons

Fota: Wikimedoa Commons

Dadatki viartajuć u status Ready for Sale, pahadnieńnie raspracoŭščykaŭ znoŭ aktyŭna, a paznaki ab trapleńni pad sankcyi niama. Kolkaść padpisčykaŭ zastałasia takoj ža, jak i da raptoŭnaha błakavańnia, a voś vodhuki i rejtynhi ŭ niekatorych dadatkaŭ «źlacieli».

Apple dahetul nijak nie prakamientavała incydent. Adnak niekatorym raspracoŭščykam, jakija trapili pad błakavańnie, karparacyja dasłała prabačeńni:

«Prabačcie, vam pamyłkova byŭ adpraŭleny elektronny list, jaki infarmuje ab tym, što jurydyčnaja asoba, asacyjavanaje z vašym ulikovym zapisam raspracoŭščyka ŭ Apple, adpaviadaje krainie z abmiežavanym dostupam. Vaša jurydyčnaja asoba nie znachodzicca ŭ śpisie rehijonaŭ z abmiežavanym dostupam i my vypravili hetuju pamyłku. Vaš akaŭnt raspracoŭščyka ciapier aktyŭny, a ŭsie asacyjavanyja ź im dadatki i kupli znoŭ dastupnyja. Z vašaha boku nie patrabujecca nijakich dadatkovych dziejańniaŭ. My prynosim svaje prabačeńni za dastaŭlenyja niazručnaści».

5 lutaha biełaruskija raspracoŭščyki iOS, u jakich jość akaŭnt ź biełaruskim adrasam rehistracyi, atrymali listy ad Apple. U ich havaryłasia ab sankcyjach i deaktyvacyi akaŭntaŭ.

«My zaŭvažyli prablemu pry paćvierdžańni vašaj ŭlikovaha zapisu. Infarmacyja ab jurydyčnaj asobie, źviazanaja z vašym ulikovym zapisam, całkam adpaviadaje krainie z abmiežavanym dostupam abo adnoj abo niekalkim krainam sa zvodnaha kantrolnaha śpisu ŭrada ZŠA, sankcyjnaha śpisu inšaha ŭrada ci śpisu rehijonaŭ z abmiežavanym dostupam» — kazałasia ŭ paviedamleńni ad Apple.

Pry hetym, pad sankcyi, pra jakija paviedamlała karparacyja, traplała mienavita jurydyčnaja asoba raspracoŭščyka, a nie bank, rachunak jakoha zarehistravany ŭ akaŭncie.

Клас
0
Панылы сорам
0
Ха-ха
0
Ого
0
Сумна
0
Абуральна
0