Mitrapalit Vienijamin paraŭnaŭ adnosiny Rasii i Ukrainy z padziełam Hiermanii
Paralel z padziełam Hiermanii mitrapalit Minski i Zasłaŭski, patryjaršy ekzarch usioj Biełarusi Vienijamin pravioŭ na sustrečy ź niamieckim pasłom u Biełarusi Manfredam Chutureram 3 lutaha, paviedamlaje sajt church.by.
Padčas hutarki, pry jakoj surazmoŭcy abmierkavali «biahučuju situacyju ŭ śviecie, mižkanfiesijnyja adnosiny, pytańni sacyjalnaha słužeńnia, a taksama šerah inšych temaŭ», Vienijamin paličyŭ patrebnym patłumačyć niamieckamu pasłu, što, na jahonuju dumku, adbyvajecca ŭ rasijskaj-ŭkrainskich adnosinach:
«Našy krainy majuć ahulnyja histaryčnyja i kulturnyja karani, siamiejnaje svajactva i adzinuju vieru. My pamiatajem, što ŭ historyi Hiermanii ŭ XX stahodździ byŭ balučy pieryjad padziełu na ŭschodniuju i zachodniuju častki, jaki tak ciažka pieražyvaŭsia niamieckim narodam. U ciapierašni čas važna, kab nie ŭzvodzilisia padobnyja ścieny pamiž słavianskimi narodami».
Pasoł Hiermanii taksama «padzialiŭsia svaim bačańniem pracesaŭ, jakija adbyvajucca ŭ Jeŭropie i sučasnym śviecie», ale padrabiaznaści jahonaj pazicyi nie raskryvajucca.
Kamientary