Antykavidnyja zachady, mora śviatła i pratesty kala kitajskaj ambasady. Jakim my zapomnim adkryćcio piekinskaj Alimpijady FOTA
U Piekinie adkryli Alimpijadu-2022. Zimovyja hulni sabrali spartoŭcaŭ z 95 krain, za jakimi my budziem nazirać da 20 lutaha.
Cyrymoniju adkryćcia pryniaŭ stadyjon «Ptušynaje hniazdo», pabudavany jašče da letniaj Alimpijady-2008.
Adnak letašniaja Alimpijada prachodzić zusim u inšych umovach — uziać chacia b pandemiju kavidu.
Užo chodziać lehiendy pra strohija miery kitajskich uładaŭ, jakija abaviazali atletaŭ i dapamožny piersanał na Hulniach nasić maski i štodzień testavacca na kavid. Nie abyšłosia biez masak i na cyrymonii adkryćcia. Praŭda, zusim nie ŭsie spartoŭcy zachoŭvali sacyjalnuju dystancyju.
Tyja, chto bačyŭ cyrymoniju adkryćcia Alimpijadzy ŭ Tokia ŭ minułym hodzie, pamiatajuć pustyja trybuny. Sapraŭdy, u toj raz praź niebiaśpieku kavidu za adkryćciom nazirali tolki 950 aficyjnych asobaŭ.
U hety raz arhanizatary vyrašyli zapoŭnić trybuny ŭžo na 30%, i heta — važny znak viartańnia da narmalnaha žyćcia.
Što da samoj cyrymonii, to arhanizatary pakazali ŭražvajučaje šoŭ z mnostvam śvietavych i łaziernych instalacyj. Voś, naprykład, kvietka, jakaja simvalizuje viasnu ŭ kulturach Uschodniaj Azii.
Było tam i zapaminalnaje łaziernaje šoŭ u hihanckim kubie ź lda.
Paśla šoŭ pačaŭsia parad spartoŭcaŭ.
Kulminacyja cyrymonii — zapalvańnie alimpijskaha ahniu. U hety raz alimpijski fakieł raźmiaścili ŭ centry vielizarnaj śniažynki, što sabrała ŭ siabie nazvy šmatlikich krain śvietu.
Naprykancy cyrymonii kiraŭnik Kitaja Si Czińpin abviaściŭ Hulni adkrytymi. Jany praciahnucca da 20 lutaha.
Ale ž aficyjny pačatak Alimpijady nie abyšoŭsia biez skandałaŭ. Sotni biežancaŭ z Tybieta vyjšli siońnia na mitynh pierad kitajskim pasolstvam u Ńju-Deli z pratestam suprać Hulniaŭ i z patrabavańniem svabody Tybieta ad Kitaja.
Honar za frystajł i bijatłon dy hulni pad BČB. Jak raniej Biełaruś vystupała na zimovych Alimpijadach i čaho čakać ciapier?
Kavid, kancłahiery, ekanamičny kryzis, dypłamatyčny bajkot i rasijska-ŭkrainski kanflikt. Śviet z tryvohaj čakaje piekinskaj Alimpijady
Top-5 najlepšaj spartovaj formy na sioletniaj Alimpijadzie i adna najhoršaja
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku23
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary