Hramadstva

«Zaklikaju nie panikavać», — ministr Pinievič pra situacyju z karanavirusam u krainie

Ministr achovy zdaroŭja Dźmitryj Pinievič padčas naviedvańnia balnicy ŭ Hłybokim prakamientavaŭ situacyju z čerhami ŭ palikliniki i vykazaŭ zdahadku, kali skončycca pandemija karanavirusa.

«My prahnazavali vybuchovy rost zachvorvalnaści na kavid u suviazi z novym štamam «amikron». Miarkujučy pa daśledavańniach, jon zamiaščaŭ «delta-štam» i vycieśniŭ virusy hrypu, jakija byli jašče aktualnyja tydni dva tamu. My navat nazvali hety praces tvindemijej — adnamomantavaj cyrkulacyjaj hrypu i kavidu. U hety paniadziełak staŭ zaŭvažny ŭsim bujnym haradam vybuchovy rost kolkaści tych, chto źviarnuŭsia pa ambułatornuju dapamohu. Heta było źviazana ŭ tym liku z vychadnymi, kali ludzi znachodzilisia doma — kolkaść chvorych bolšała. Ale ŭčora i siońnia my praviali videakanfierencyju z rehijonami i bačym, što kolkaść tych, chto źviarnuŭsia ŭ palikliniki, prykładna ŭ 2,5 raza mienšaja, čym u paniadziełak», — cytuje słovy ministra telehram-kanał Minzdaroŭja.

Taksama ministr adznačyŭ, što rost kolkaści špitalizavanych adbyŭsia, ale jon niaznačny — nie bolš za 30% ad vosieńskaha piku.

«Heta my taksama prahnazavali, bo novy štam, jak praviła, nie niasie z saboj ciažkich vypadkaŭ. Tamu pierahruzki stacyjanarnaha źviana nie čakajecca, ale my hatovyja i ŭ płanie miedykamientaŭ, i ŭ płanie kisłarodnych kropak.

Zaklikaju nie panikavać. Kali my ŭspomnim epidemii hrypu minułych hadoŭ, to tady taksama da dapamohi daktaram pryciahvalisia studenty, interny — im davałasia prava vypiski balničnaha, što my i zrabili», — skazaŭ ministr.

Prakamientavaŭ jon i admienu abaviazkovaha testavańnia na kavid u ambułatoryjach dla paćviardžeńnia dyjahnazu.

Pinievič adznačyŭ, što heta taksama nie novaja praktyka, ale jana ŭžo pakazała svaju efiektyŭnaść. «Davajcie ŭspomnim: nastupaŭ epidsiezon, našy daktary zaŭsiody stavili vostryja reśpiratornyja zachvorvańni. A potym raptam pačali ŭsim stavić hryp. Bo kali pravodziacca daśledavańni i my bačym, što kolkaść vyjaŭlenych virusaŭ hrypu stanovicca bolšaj, čym inšych, my kažam: kalehi, nastupiŭ hryp. Tamu ŭsim, chto maje prykmiety infiekcyjnaha zachvorvańnia, vystaŭlajecca dyjahnaz «hryp». Tym bolš, što heta ni ŭ jakaj miery nie ŭpłyvaje na ałharytm lačeńnia.

Tamu ciapier na ambułatornym etapie praktyčna ŭsie z prykmietami virusnaha zachvorvańnia źjaŭlajucca nośbitami novaha štama. Sensu pravodzić testavańnie niama.

Ale kali prychodzić ŭskładnieńnie i doktar razumieje, što pacyjentu patrebnaje stacyjanarnaje lačeńnie, jon abaviazkova zrobić test»

Adkazvajučy na pytańnie «kali ž usio heta zavieršycca?», Dźmitryj Pinievič adkazaŭ, što «kavid nikudy nie sydzie, ale budzie siezonnym, zastaniecca vakcynacyja».

«Ja ŭdziačny tym, chto adhuknuŭsia na zakliki pra važnaść vakcynacyi — praktyčna 60% nasielnictva pryščeplenyja pieršym kampanientam. Heta dobra», — reziumavaŭ ministr.

Čytajcie taksama:

«Ciapier luboje vostraje reśpiratornaje zachvorvańnie — heta «amikron». Doktar Sałaviej raskazaŭ pra asablivaści štama

Z prychodam u Biełaruś «amikrona» na kavid stali chvareć dzieci — bolš, čym u papiarednija chvali

Katastrofa ŭ paliklinikach. Hihanckija čerhi na čatyry-šeść hadzin, sotni ludziej u kalidorach

Minzdaroŭja dazvoliła daktaram stavić dyjahnaz «karanavirus» biez praviadzieńnia PŁR ci antyhien-testaŭ

Kamientary

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł16

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Śviatłana Cichanoŭskaja sustrełasia ź Viktaram Orbanam20

Nie rabicie hetuju pamyłku ŭ zachoŭvańni chleba4

Nazirajecca maštabny zboj elektroniki pa ŭsim śviecie. Aeraporty admianiajuć paloty12

Kałabaranty z Zaparožskaj vobłaści vydajuć sustreču z pramaskoŭskim biełaruskim aktyvistam Łuščom za aficyjny vizit1

Za dva z pałovaj hady na miažy Biełarusi i ES zahinuli 126 mihrantaŭ2

Chutka sud nad mužčynam z «terarystyčnaha śpisu». Vierahodna, sprava tyčycca kamientaroŭ, ale jamu pahražaje da 12 hadoŭ

Ihar Słučak napisaŭ rezki kamientar pra ruskamoŭnych biełarusaŭ. Nie vytrymaŭ navat Paźniak114

Tramp aficyjna pryniaŭ naminacyju kandydata ŭ prezidenty ad Respublikanskaj partyi

Ajcišnika z A1 buduć sudzić za danaty. Jamu pahražaje da 10 hadoŭ kałonii

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł16

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →