Hramadstva

Na «dyjałohavych placoŭkach» ludziej pužajuć fejkavym «płanam Dalesa»

Fejkavy «płan Dalesa» cytavaŭ na sustrečy z žycharami haradskoha pasiołka Kaściukoŭka na Homielščynie deputat Pałaty pradstaŭnikoŭ Vital Utkin.

Vital Utkin. Fota Dźmitryja Čarniaŭskaha, newsgomel.by.

Deputat cytuje tekst, jaki lohka možna znajści ŭ lubym rasijskim kanśpirałahičnym ksienafobskim vydańni:

«Nastupstvam chałodnaj vajny suprać Savieckaha Sajuza stała sučasnaja hibrydnaja vajna. Jana biare svaje vytoki ŭ 1945 hodzie, kali dyrektar CRU Alen Dales skłaŭ płan pa źniščeńni SSSR. Tam, u pryvatnaści, jość nastupnyja słovy: «My kiniem usio, što majem, usio zołata, usiu materyjalnuju moc na abałvańvańnie i adurmańvańnie savieckich ludziej. Čałaviečaja śviadomaść zdolnaja źmianiacca. Pasiejaŭšy tam chaos, my nieprykmietna padmienim ich kaštoŭnaści na falšyvyja i prymusim ich u hetyja falšyvyja kaštoŭnaści vieryć… U kiravańni dziaržavaj stvorym chaos i biazładździe… Hałoŭnuju staŭku zrobim na moładź».

«My z vami bačym, jaki resurs byŭ kinuty ŭ 2020 hodzie na našu moładź», — zrabiŭ z hetaha vysnovu deputat, jaki, jak śćviardžajecca, «pastaviŭsia da sustrečy z usioj surjoznaściu».

«Płan Dalesa» — heta falšyŭka, jakaja časta tyražujecca rasijskimi šavinistyčnymi ŚMI, mifičny płan dziejańniaŭ ZŠA suprać SSSR. U vyhladzie, jaki cytujecca, jon nidzie nie publikavaŭsia, a anhlijski aryhinał jaho, zdajecca, nikoli nie isnavaŭ. Jaho prydumali ŭ 1990-ja.

Cytavać «płan Dalesa» jak nibyta sapraŭdny dakumient — toje samaje, što prymać za čystuju manietu «Pratakoły sijonskich mudracoŭ», stvoranyja ŭ pačatku XX stahodździa ŭ Rasijskaj impieryi dla apraŭdańnia antysiemickaj palityki. Ale biełaruskija čynoŭniki ničoha kiepskaha ŭ hetym nie bačać. U śniežni 2020 hoda videa pra «płan Dalesa» na sustrečy sa studentami BDU staviła staršynia Savieta Respubliki Natalla Kačanava.

A paśla hetyja samyja ludzi havorać pra histaryčnuju pamiać i patrebu jaje zachavańnia, pahražajučy niazhodnym navat kryminalnaj adkaznaściu. Nibyta sapraŭdnaja histaryčnaja pamiać moža hruntavacca na fejkach.

Vital Utkin — deputat Pałaty pradstaŭnikoŭ ad Homiela. Vypusknik Ukrainskaj akademii ŭnutranych spraŭ. Słužyŭ u milicyi, z 1993 da 2019 pracavaŭ čynoŭnikam u Homieli.

Jon nie pieršy raz adznačajecca adyjoznymi vykazvańniami, supiarečnymi zdarovamu sensu. Tak, hod tamu jon acaniŭ pieranos čempijanata śvietu pa chakiei ź Biełarusi jak pomstu za pieramohu ŭ «Vialikaj Ajčynnaj vajnie», a ŭ červieni 2021-ha pastaviŭ biełaruskich udzielnikaŭ pratestnaha ruchu na adnu došku z arhanizacyjaj «Al-Kaida», a Śviatłanu Cichanoŭskuju — z Usamaj Bien-Ładenam.

Čytajcie taksama:

Deputat: Admiena ČS pa chakiei — pomsta nam za pieramohu ŭ Vialikaj Ajčynnaj vajnie

Studenty pra zatrymańni žurnalistaŭ: «Chto budzie aśviatlać usio, što adbyvajecca?» Kačanava: «A navošta aśviatlać?»

Kamientary

«Akazvajecca, i na tym baku jość ludzi». Maci Ivana Padreza ŭsio ž nie vysialajuć

«Akazvajecca, i na tym baku jość ludzi». Maci Ivana Padreza ŭsio ž nie vysialajuć

Usie naviny →
Usie naviny

U jakich rajonach Biełarusi najnižejšyja zarobki?

Urahan udaryŭ pa vystavie MUS u centry Viciebska — viecier raskidaŭ namioty VIDEA4

«Kalektyŭny Zachad ciapier krepaść». Hihin davodzić, što «hłabalnaja bolšaść» adpraviła Zachad u izalacyju10

«Ty russkij jazyk ponimaješ?» Mužčyna na voziery ŭhavorvaŭ lebiedzia addać jamu łaŭku VIDEA4

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach15

Markaŭ zaklikaŭ zamiaścić YouTube, Telegram, Instagram i TikTok biełaruska-rasijskimi sacsietkami13

Abnoŭleny «Biełsat» spynić viaščańnie praz spadarožnik?13

Ź mižnarodnaj viersii «Jandeks Kartaŭ» prybrali biełaruskuju movu9

U centry Minska źjaviłasia astudžalnaja arka VIDEA

bolš čytanych navin
bolš łajkanych navin

«Akazvajecca, i na tym baku jość ludzi». Maci Ivana Padreza ŭsio ž nie vysialajuć

«Akazvajecca, i na tym baku jość ludzi». Maci Ivana Padreza ŭsio ž nie vysialajuć

Hałoŭnaje
Usie naviny →