Łukašenka nazvaŭ umovy, pry jakich refierendum pa źmienach u Kanstytucyju moža nie adbycca
Refierendum pa Kanstytucyi ŭ Biełarusi moža nie adbycca, kali … pačniecca vajna. Ab hetym Alaksandr Łukašenka zajaviŭ siońnia, adkazvajučy na pytańni žurnalistaŭ u Łunincy, piša BiełTA.
«Refierendum i padobnyja mierapryjemstvy mohuć nie adbycca tolki ŭ adnym vypadku: kali, nie daj boh, vajna pačniecca. Ja pra heta kazaŭ. Ja dumaju, nie pačniecca. Tamu my praviadziom refierendum», — skazaŭ jon.
Łukašenka taksama paabiacaŭ tranzit ułady ciaham dvuch hadoŭ, ale jość niuans.
«Refierendum projdzie, narod Kanstytucyju padtrymaje (kali padtrymaje). Roŭna pa hetaj Kanstytucyi na praciahu, ja dumaju, dvuch hadoŭ my ŭsie adbudujem. Budzie cicha, spakojna, nichto nie budzie pieravaročvać aŭtamabili, maradziorstvam zajmacca, spalvać, kryŭdzić vašych dzietak.
Budzie ŭsio cicha, spakojna — i tranzyt, i ŭsio astatniaje budzie» — skazaŭ jon.
Učora stała viadoma, što refierendum pryznačany na 27 lutaha.
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami88
Kamientary