Hramadstva

83-hadovy Miečysłaŭ Hryb pieramoh karanavirus. Ličyć, što pamahli jamu pryščepka i fizkultura

Były staršynia Viarchoŭnaha Savieta Miečysłaŭ Hryb pravioŭ dva tydni ŭ balnicy z karanavirusam, ale zdoleŭ pieramahčy chvarobu. Što jamu dało na heta siły, jon raskazaŭ Radyjo Svaboda.

Hryb kaža, što nie viedaje, dzie moh padčapić virus. U svaje 83 hady jon viadzie aktyŭny ład žyćcia, u kvatery nie siadzić.

«U mianie spačatku byli nie duža vyraznyja simptomy: nasmark, kašal. Dumaŭ, usialakaje byvaje. Kali tempieratury nie było, to nie chvalavaŭsia. Kali padniałasia da 38, to syn advioz u balnicu. Ja dzion piać tak doma prasiedzieŭ z chvarobaj, zaciahnuŭ. Kab raniej źviarnuŭsia pa dapamohu, to byŭ by mienšy pracent paražeńnia lohkich».

U balnicy Miečysłavu Hrybu pastavili dyjahnaz «kavidnaja dvuchbakovaja pnieŭmanija». Było paškodžana kala 50% abodvuch lohkich.

«Ja lažaŭ u balnicy № 10 u Čyžoŭcy. Daktary narmalna pracujuć, chodziać, jak kasmanaŭty, usie zachutanyja ŭ svaich kambiniezonach. Dastajecca im niasłaba, biehajuć i biehajuć. Ni z kim asabliva nie parazmaŭlaješ u «čyrvonaj zonie», daktary ŭ maskach. A ŭ ludziej, što byli razam sa mnoj, taki stan, što jany na prahułku nie chodziać i nie razmaŭlajuć, a ŭvieś čas lažać na žyvacie».

Spadar Miečysłaŭ vakcynavaŭsia rasijskim «Sputnikam» jašče ŭviesnu, a ŭ listapadzie prajšoŭ revakcynacyju.

«Dumaju, mnie heta dapamahło. Sa mnoj lažali roznyja ludzi: i pryščeplenyja, i niepryščeplenyja. Ale bolšaść usio ž tych, chto vakcynu sabie nie kałoŭ».

Jak kaža palityk, jon užo ŭ takim vieku, što asabliva nie chvalavaŭsia nakont chvaroby.

«Ja nie pieražyvaŭ, ja ŭžo ni pra što nie chvalujusia. Ja pražyŭ žyćcio, pra heta dobra viedaju. Zrazumieła, što dzieci chvalavalisia. A mnie što, pieražyvaj nie pieražyvaj — heta ničoha nia źmienić.

Ja ŭvieś čas byŭ u prytomnaści. Samym składanym u chvarobie była tempieratura, jana padymałasia da 39. U takija momanty było vielmi kiepska, i adčuvaŭ, što ŭžo ŭsio da lampački. Hałava stanaviłasia takaja ciažkaja, jak kačan, i ničoha nie ciamiła. Kali źbivali troški tempieraturu, to rabiłasia lahčej».

Spadar Hryb miarkuje, što spravicca z chvarobaj jamu dapamahli nie tolki starańni daktaroŭ i vakcynacyja, ale i praciahłyja zaniatki fizkulturaj.

«Adnaznačna sport dapamoh. I ciapier viarnuŭsia da zaniatkaŭ, rablu ŭ kvatery praktykavańni, u asnoŭnym na dychańnie. Bieź ježy čałaviek moža pražyć, biez vady taksama niekatory čas, a biez pavietra nie moža nijak i nikolki».

Eks-śpikier parłamienta kaža, što na siońnia adčuvaje siabie niabłaha. «Kisłarod štodnia mieraju, jon kala 96—97 — heta narmalna. Pakul što tabletki prymaju, leki, ale najhoršaje ŭžo pieražyŭ».

Kamientary

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Źnikłaha ŭ Polščy biełarusa znajšli ŭ Varšavie źbitym i biez dakumientaŭ9

«Vada pranikła ŭnutr, zapoŭniła sałon mnie pa pojas, ruki treślisia». Chto taja dziaŭčyna z zapaminalnaha fota minskaha patopu3

U Biełarusi pačałasia pieradvybarčaja ahitacyja za Łukašenku FOTAFAKT32

Suśvietnyja ceny na kavu bjuć rekordy. Košt vašaha łate pad pahrozaj5

Vatykan pryznačyŭ lidskaha ksiandza Andreja Znoska biskupam. Roŭna hod tamu jaho zatrymlivali siłaviki

Stała viadoma, u čym padazrajuć Ramašeŭskuju, Dzikavickaha i inšych top-mieniedžaraŭ «Biełsata»20

U Italii žurnalistku aštrafavali za žarty pra rost premjer-ministra Miełoni — heta paličyli bodyšejminham1

Jak biełarusam jeździć praź miažu na aŭto, zarehistravanych u ES, kali biełaruskija numary akažucca pad poŭnaj zabaronaj4

«Nie chočuć razumieć, što heta vajna!» Łukašenka vykazaŭ pretenzii paciarpiełym ad bury25

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →