Hramadstva

Telehram-kanały: U ofisie kampanii A1 adbyvajecca pieratrus. U kantakt-centry admaŭlajuć

Pra pieratrus u ofisie kampanii paviedamiŭ Telehram-kanał @motolkohelp sa spasyłkaj na svaje krynicy. Paśla infarmacyju na padstavie svaich krynic paćvierdzili na Zerkalo.io.

«Naša Niva» pazvaniła ŭ kantakt-centr A1, tam adkazali: «Nijakaj infarmacyi pra heta my nie majem. Usio dobra, pasłuhi akazvajucca ŭ zvyčajnym paradku».

Niekalki rabotnikaŭ kampanii, ź jakimi ŭdałosia parazmaŭlać Zerkalo.io, vykazali mierkavańnie, što pytańni ŭ siłavikoŭ mahli ŭźniknuć da niekatorych kiraŭnikoŭ kampanii, «tamu zvyčajnyja supracoŭniki mohuć ničoha pra heta nie viedać».

Jašče adna z krynic Zerkalo.io śćviardžaje, što siłaviki, chutčej za ŭsio, prychodzili ŭ ofis na vulicy Internacyjanalnaj u Minsku. Pryčyna — pytańni z-za zatrymańnia pres-sakratara kampanii A1 Mikałaja Bredzieleva. Hetaja krynica śćviardžaje, što siońnia byli pytańni da IT-śpiecyjalistaŭ. Pry hetym adnačasova z hetym niekalki rabotnikaŭ hetaha ofisa paviedamili, što nie bačyli, kab da ich prychodzili «hości» ź siłavych struktur.

19 śniežnia namieśnik kiraŭnika administracyi Łukašenki Ihar Łucki paviedamiŭ, što Łukašenka daŭ daručeńnie pravieści acenku dziejańniaŭ kampanii A1 i pryniać samyja žorstkija miery

«Telekamunikacyjny i kantent-pravajdar A1 u peŭnym sensie «źlivaŭ» nie toj kantent i nie tudy. Heta parušaje lubyja maralnyja, etyčnyja i jurydyčnyja normy i praviły. U suviazi z hetym Alaksandram Łukašenkam dadziena daručeńnie pravieści acenku dziejańniaŭ kampanii», — paviedamiŭ jon.

10 śniežnia stała viadoma pra zatrymańnie pres-sakratara kampanii A1 Mikałaja Bredzieleva, jakoha asudzili na 15 sutak, ale paśla ich nie vypuścili. U kancy śniežnia jaho pieraviali na Vaładarku. Bredzieleva nibyta abvinavacili ŭ «źlivie» źviestak abanientaŭ. 

U kampanii zajavili, što Bredzieleŭ nie mieŭ dostupu da piersanalnych danych klijentaŭ, i paabiacali pravieści ŭnutranuju pravierku.

«Ja dumaju, budzie sproba ŭvieści ŭ mieniedžmient niejkich svaich ludziej. Nu a paralelna roznaha rodu kankurenty buduć sprabavać vyrašyć svaje zadačy: MTS — svaje, AAC, jaki, jak užo viadoma, pojdzie ŭ A1 z pravierkaj — svaje (AAC — suzasnavalnik BeCloud, adnaho z dvuch u Biełarusi centraŭ zachavańnia źviestak, druhi ‒ A1).

«Čym skončycca pravierka, jakuju praviadzie niepasredny kankurent, možna ŭ pryncypie sprahnazavać — ničym dobrym», — kamientavaŭ u svoj čas «najezd» uładaŭ na A1 «Našaj Nivie» ekśpiert.

«Biełtelekam» stanie sotavym apierataram

Prapahanda nakinułasia na A1 i zaklikaje nacyjanalizavać kampaniju. Nakolki heta mahčyma?

Nichto nie źjaŭlajecca niedatykalnym. Jaki sihnał biznesu šle Łukašenka zatrymańniami top-mieniedžaraŭ?

«Budzie sproba ŭvieści ŭ mieniedžmient «svaich ludziej». Čym pahražaje A1 zajava Łukašenki pra «žorstkija miery»?

A1

Kamientary

Stryžak raskazaŭ, jak jaho vierbavali śpiecsłužby2

Stryžak raskazaŭ, jak jaho vierbavali śpiecsłužby

Usie naviny →
Usie naviny

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom27

Z-kanał: Imavierna, Kryhier arhanizoŭvaŭ dyviersii ŭ Branskaj vobłaści5

Raiła bić nahoj u skivicu kožnamu maskvarotamu, nazyvała akupacyju Maryupala karmaj — chto takaja Iryna Faryjon, jakuju zabili ŭ Lvovie37

U Vilejskim rajonie kiroŭca pahruzčyka ledź nie ŭrezaŭsia ŭ pachavalnuju pracesiju

Ukraina śpiašajecca stvaryć vajennyja bieśpiłotniki sa štučnym intelektam1

Zialenski pavinšavaŭ Trampa z abrańniem kandydatam ad Respublikanskaj partyi i nazvaŭ jaho prezidentam7

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

bolš čytanych navin
bolš łajkanych navin

Stryžak raskazaŭ, jak jaho vierbavali śpiecsłužby2

Stryžak raskazaŭ, jak jaho vierbavali śpiecsłužby

Hałoŭnaje
Usie naviny →