Śviet

Małdova moža zastacca biez rasijskaha hazu

«Hazpram» pahražaje spynić biahučyja pastaŭki hazu ŭ Małdovu, kali da 20 studzienia nie atrymaje apłaty za papiarednija miesiacy.

Ab prablemie na bryfinhu ŭ Kišyniovie siońnia skazała premjer Małdovy Natalla Haŭrylica.

«Učora kampanija «Hazpram» nakiravała «Małdoŭhazu» aficyjny list, u jakim papiaredziła pra namier spynić pastaŭki hazu ŭ vypadku niepahašeńnia płaciažu da 20 studzienia», — pryvodzić słovy Haŭrylicy małdoŭskaja hazieta Ziarul de Gardă. 

Pavodle słoŭ małdaŭskaj premjerki, kampanija «Małdoŭhaz» nie paśpieła sabrać hrošy, tamu ŭ sieradu projdzie pasiadžeńnie kamisii pa nadzvyčajnych situacyjach, na jakoj buduć abmiarkoŭvacca pieršačarhovyja miery pa vychadzie ź situacyi. Chutčej za ŭsio, budzie ŭviedzienaje nadzvyčajnaje stanovišča ŭ halinie enierhietyki.

Vice-premjer Małdovy Andrej Spynu na tym samym bryfinhu zajaviŭ, što Kišynioŭ prosić u «Hazprama» dazvolić Małdovie pahasić doŭh za pastaŭleny ŭ studzieni haz paetapna. Pakul prapanujecca ŭnieści avans u pamiery 38 młn dołaraŭ, a za studzień zastaniecca zapłacić jašče 25 młn. Ale «Hazpram» na sastupki iści nie choča.

Pierad hetym Spynu paviedamlaŭ, što abmiarkoŭvaje z «Hazpramam» mahčymaść admieny avansavaj apłaty za haz. Jon adznačaŭ, što Kišynioŭ sutyknuŭsia z čarhovym etapam enierhakryzisu z-za rostu koštu hazu. Kali ŭ śniežni zakupačnaja cana na hety enierhanośbit składała $ 450 za 1 tys. kubičnych mietraŭ, to ŭ studzieni jana dasiahnuła kala $ 646.

U kastryčniku minułaha hoda «Małdoŭhaz» i «Hazpram» praciahnuli kantrakt na pastaŭku hazu na piać hadoŭ. Dla Małdovy zaćvierdzili novuju formułu raźliku koštu, jakaja ŭličvaje suadnosiny rynkavych cen na haz i naftu. Hałoŭnymi ŭmovami novaha kantraktu byli svoječasovyja płaciažy i pahašeńnie zapazyčanaści za haz małdoŭskich spažyŭcoŭ.

Kamientary

Dar‘ja Łosik vyjšła na svabodu pa pamiłavańni12

Dar‘ja Łosik vyjšła na svabodu pa pamiłavańni

Usie naviny →
Usie naviny

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž6

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni12

Dar‘ja Łosik vyjšła na svabodu pa pamiłavańni

Hałoŭnaje
Usie naviny →