«Kaladnyja historyi», Čarlz Dykiens

«Kaladnyja historyi» byli zadumany Dykiensam jak sacyjalnaja propaviedź, i ŭ 40-ja hady XIX stahodździa kožny hod pad Kalady vychodziła adna ź piaci apovieściaŭ. Aŭtar źviartaŭsia i da biednych, i da bahatych čytačoŭ, radziejučy za palapšeńnie doli pieršych i «maralnaje vypraŭleńnie» druhich.

Vynikam staŭ cykł ź piaci tvoraŭ, pierakładzienych na ŭsie suśvietnyja movy, nieadnarazova ekranizavanych i staŭšych sapraŭdy nieśmiarotnaj kłasikaj suśvietnaj litaratury. Heta cykł, u jakim źmiešvajucca kazka i byl, fantastyka i realnaść, a ŭ finale Dabro abaviazkova pieramahaje Zło.

«Chłopčyk u Chrysta na jołcy», Fiodar Dastajeŭski

Apovied pra dzicia, jakoje začaravana vyhladam navahodniaj jołki za aknom bahataha doma. Tam śviatło, ahni, pačastunki i padarunki, prybranyja dzieci hulajuć i tančać. A hałodny chłopčyk zamiarzaje na pieciarburhskich vulicach, kinuty na volu losu svaimi niaščasnymi baćkami. U niejki momant chłopčyk apynajecca na navahodnim śviacie siarod takich ža, jak i jon, dziaciej, zachopleny nieviadomym cichim hołasam…

«Płanieta navahodnich jołak», Džani Radary

Italjanskamu chłopčyku Marka adnojčy padaryli na Novy hod dziciačaha konika. Spačatku Marka razzłavaŭsia na dziadulu za taki padarunak — jon ža ličyŭ siabie ŭžo zusim darosłym. Kali b jon tolki viedaŭ, što dziakujučy hetaj caccy apyniecca na inšaj płaniecie. Zamiest taksi tut raźjazdžajuć draŭlanyja koniki, cacki z kram možna brać biaspłatna, i kožny dzień — navahodni! Nadvorje zaŭsiody cudoŭnaje, a kali raptam pojdzie doždž — to tolki z cukierak!

«Kot na Kalady», Kliŭlend Emary 

Kniha raspaviadaje pra toje, jak adnojčy na ​​kućciu ŭ domie znakamitaha piśmieńnika źjaŭlajecca vandroŭny bieły kot, jaki adrazu mianiaje žyćcio. Toje, što jany znajšli adzin adnaho pad Kalady — lepšy padarunak, jaki mahło padnieści žyćcio. Kot šmat čamu navučyć svajho haspadara.

«Dary vołchvaŭ», O. Hienry

Dziejańnie apaviadańnia adbyvajecca ŭ Ńju-Jorku napiaredadni Kaladaŭ. Džym i Deła Janh — maładaja para, jakaja ledź zvodzić kancy z kancami, pražyvajučy ŭ adnym ź biednych kvartałaŭ miehapolisa. Pierad nadychodziačymi śviatami jany vyjaŭlajuć, što, niahledziačy na ​​ekanomiju, ich źbieražeńniaŭ nie chapaje na tradycyjnyja kaladnyja padarunki. Jak jany pavinšujuć adno adnaho?

«Jak by čaroŭnaja kazka», Hrem Džojs

Heta ŭ litaralnym sensie čaradziejny raman ad majstra brytanskaha mahičnaha realizmu. 16-hadovaja hierainia pajšła hulać u les i prapała bieź viestak. Rodnyja, susiedzi i palicyja doŭha šukali jaje, ale nie znajšli nijakich śladoŭ dziaŭčyny. Prachodzić 20 hod paśla źniknieńnia, jak raptam jana viartajecca. Dziaŭčyna zusim nie źmianiłasia, byccam nie pastareła ni na dzień. I tyja historyi, jakija jana raskazvaje, inakš, jak kazkami, nie nazavieš.

«Ščaŭkunok i Myšyny Karol», Ernst Hofman

Historyja Ščaŭkunka začaroŭvaje i natchniaje nas užo 200 hadoŭ. Jana pra vieru ŭ cud, tuju samuju, što žyvie ŭ kožnym z nas. Adnojčy ŭ karaleŭskaj siamji naradziŭsia doŭhačakany spadčyńnik, ale z-za svarki z Myšynaj Karalevaj vydatny prync pieratvarajecca ŭ vyrodlivaha Ščaŭkunka, dola jakoha — kałoć arechi i čakać. Čakać, pakul hadzińnik nie prabje 12 razoŭ.

Viadomy rasijski krytyk nazvała raman biełaruskaj aŭtarki siarod top-5 suśvietnych knih 2021 hoda

«Našy klikańni, što heta fašyzm, što budzie kiepska, nichto nie słuchaŭ». Hutarym ź piśmieńnicaj Śviatłanaj Kurs, pieramožcaj premii Hiedrojca

Клас
1
Панылы сорам
0
Ха-ха
0
Ого
0
Сумна
0
Абуральна
0