Žančyna prasiadzieła piać hadzin u prybiralni samalota z-za stanoŭčaha testa na kavid
Amierykanskaja školnaja nastaŭnica raspaviała, što praviała piać hadzin u dobraachvotnaj samaizalacyi ŭ prybiralni samalota, jaki lacieŭ u Isłandyju, paśla taho, jak padčas palotu atrymała stanoŭčy vynik na Covid-19.
Marysa Fatya kaža, što 20 śniežnia, padarožničajučy z Čykaha ŭ isłandski Rejkjavik, adčuła bol u horle, piša Bi-bi-si.
Jana kaža, što zrabiła chutki test, jaki ŭziała z saboj, i jaki paćvierdziŭ, što jana infikavanaja.
Da kanca pajezdki žančyna pierasiadzieła ŭ prybiralni, a ściuardesa prynosiła joj ježu i napoi.
Nieviadoma, ci davodziłasia joj zdavać test na Covid-19 pierad pasadkaj na rejs. Bo całkam vakcynavanym ludziam pry ŭjeździe ŭ Isłandyju test pakazvać nie treba.
«Heta byŭ varjacki vopyt, — skazała NBC News Marysa, jakaja rodam ź Mičyhana. — Na rejsie było 150 čałaviek, i ja bolš za ŭsio bajałasia zarazić i ich».
Videa z prybiralni samalota Icelandair, jakoje jana apublikavała ŭ Tiktok, prahladzieli bolš za čatyry miljony razoŭ. Jana pachvaliła bortpravadnicu za dapamohu padčas vyprabavańniaŭ.
«Jana pakłapaciłasia ab tym, kab u mianie było ŭsio nieabchodnaje na praciahu nastupnych piaci hadzin, ad ježy da napojaŭ, i pastajanna naviedvała mianie, zapeŭnivajučy, što sa mnoj usio budzie dobra», — raspaviała žančyna NBC.
Marysa dadała, što pa prybyćci ŭ Isłandyju joj daviałosia samaizalavacca ŭ hateli Čyrvonaha Kryža.
Ideołah Minabarony raskazaŭ, što hulniu Pokemon Go vykarystoŭvali dla špijanažu — źbirali danyja pra avijabazu ŭ Mačuliščach9
Kamientary