Ekanomika

Bujny vytvorca šyn spyniaje supracoŭnictva ź Biełaruskim mietałurhičnym zavodam z-za parušeńnia pravoŭ rabočych. Što viadoma?

Adna z bujniejšych suśvietnych kampanij-vytvorcaŭ aŭtamabilnych šyn Pirelli Group spyniaje supracoŭnictva ź Biełaruskim mietałurhičnym zavodam. Padstavaj dla hetaha stała nievykanańnie pravoŭ rabočych na zavodzie.

Hetuju infarmacyju «Našaj Nivie» paćvierdzili ŭ Prafiesijnym sajuzie biełarusaŭ Vialikabrytanii (PUBB: Professional Union of Belarusians in Britain), jaki i byŭ adnym ź inicyjataraŭ zvarotu da zamiežnaha biznesu ŭ miežach ekanamičnaha cisku dyjaspar. 

«Upieršyniu my źviarnulisia da Pirelli z nahody parušeńniaŭ pravoŭ rabočych u ich biełaruskaha pastaŭščyka BMZ u lutym 2021 hoda i z taho času padtrymlivali suviaź.

My padali detalovuju infarmacyju pra zvalnieńnie rabotnikaŭ adtul pa palityčnych matyvach pačynajučy sa žniŭnia 2020 hoda, pra represii suprać niekalkich supracoŭnikaŭ, što abviaścili strajk u listapadzie, a taksama suprać 11 rabočych, jakija sprabavali stvaryć niezaležny prafsajuz.

My paprasili Pirelli rasśledavać hetyja padziei i acanić ich adpaviednaść unutranym etyčnym praviłam.

U vyniku našaj praciahłaj kamunikacyi Pirelli sapraŭdy praviali aŭdyt ESG (ekałahičnaje, sacyjalnaje i karparatyŭnaje kiravańnie) i ŭčora paviedamili nam pra svajo rašeńnie: «Spynić kamiercyjnyja adnosiny z BMZ. Jano było pryniata na padstavie taho, što BMZ parušaje ich etyčny kodeks», — raskazali ŭ sajuzie.

Aficyjny adkaz Pirelli dla PUBB.

Pakul nieviadoma, ź jakoha momantu rašeńnie nabyvaje moc. Usio, što jość na rukach u sajuza, — heta list z adkazam kampanii.

«Naša Niva» źviarnułasia pa dadatkovyja kamientaryi niepasredna ŭ Pirelli Group i da kiraŭnictva BMZ — my apublikujem ich adkazy na sajcie, jak tolki atrymajem. 

Kali adnosiny partnioraŭ sapraŭdy spynienyja kančatkova, dla BMZ heta aznačaje stratu važnaha klijenta. Jašče ŭ 2020 hodzie BMZ chvalilisia naroščvańniem pastavak bartavoha branzavanaha drotu, u tym liku Pirelli (jaho vykarystoŭvajuć u karkasach šyn).

Fota: belsteel.com

Kiejs z Pirelli taksama ŭ niejkim sensie vyznačaje tendencyju, za jakoj mohuć pajści inšyja adkaznyja i etyčnyja klijenty.

Raniej šviedskaja Scandia Steel pryniała rašeńnie pastupova «admovicca ad BMZ jak pastaŭščyka i prypynić budučyja zakazy». Francuzskaja hrupa Michelin praciahvaje rasśledavańnie parušeńniaŭ pravoŭ pracoŭnych na BMZ.

Čytajcie taksama:

BMZ pahražaje defołt, jaki moža vyklikać łancuhovuju reakcyju

Jakija kampanii pierastali supracoŭničać ź Biełaruśsiu z-za palityki

Kamientary

Banki źnižajuć prybytkovaść pa valutnych depazitach da 0,1%. Tłumačym matematyku

Banki źnižajuć prybytkovaść pa valutnych depazitach da 0,1%. Tłumačym matematyku

Usie naviny →
Usie naviny

Aryna Sabalenka: Plačo zažyło. Na hetym tydni ja pačynaju hulać1

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie9

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom5

Minsk siońnia pajšoŭ pad vadu FOTY13

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

bolš čytanych navin
bolš łajkanych navin

Banki źnižajuć prybytkovaść pa valutnych depazitach da 0,1%. Tłumačym matematyku

Banki źnižajuć prybytkovaść pa valutnych depazitach da 0,1%. Tłumačym matematyku

Hałoŭnaje
Usie naviny →