Rasija hatovaja abmierkavać pytańni deeskałacyi va Ukrainie, ale spačatku raźličvaje atrymać ad Vašynhtona adkaz na rasijskija prapanovy pa harantyjach biaśpieki.
Pra heta zajaviŭ žurnalistam pres-sakratar prezidenta Rasii Dźmitryj Piaskoŭ, piša RBK.
«Dla pačatku treba atrymać adkaz na kankretna sfarmulavanyja rasijskija prapanovy», — skazaŭ jon.
Kamientujučy publikacyju Bloomberg ab praciahłym ściahvańni vajskovaj techniki na miažu z Ukrainaj, Piaskoŭ zajaviŭ: «Što b ni rabiła Rasija sa svaimi vojskami — jany heta robić na ŭłasnaj terytoryi». «Tut my naŭrad ci možam dazvolić i pahadzicca z tym, kab chto-niebudź asprečvaŭ hetaje naša suvierennaje prava», — padkreśliŭ jon.
U toj ža čas, dadaŭ Piaskoŭ, inšyja krainy «pravodziać niedvuchsensoŭnyja vučeńni». «Heta ŭsio vyklikaje našu hłybokuju zaniepakojenaść i zmušaje nas prymać peŭnyja miery dla harantavańnia ŭłasnaj biaśpieki», — ukazaŭ pres-sakratar.
Bloomberg: Rasija praciahvaje naroščvać vojski la miežaŭ Ukrainy
Pucin zajaviŭ pra niemahčymaść hladzieć na Kijeŭ i «čakać, kali dałbanuć»
Hienieralny sakratar NATO zaklikaŭ Rasiju advieści vojski ad miažy z Ukrainaj
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1414
Kamientary