Dyrektara doma kultury, jaki zalez na dreva, kab jaho nie vysiekli, aryštavali na 15 sutak
Sud Pinskaha rajona aryštavaŭ dyrektara sielskaha doma kultury ŭ vioscy Achova Alaksandra Dziemčuka na 15 sutak za niepadparadkavańnie patrabavańniu słužbovaj asoby (artykuł 24.3 KaAP) — 22 śniežnia jon zalez na dreva, kab pieraškodzić kamunalnikam śsiekčy viekavyja duby, paviedamiŭ «Miedyjazonie» słuchač z zały suda.
22 śniežnia da viaskovych mohiłak pryjechali supracoŭniki kamunalnych słužbaŭ dla vysiečki 300-hadovych duboŭ, pisała «Miedyja-Paleśsie». Rabočych la mohiłkavaj aharodžy sustreli miascovyja piensijanierki, jakija vystupali suprać vysiečki dreŭ; paźniej jany ŭstali pobač sa stvałami ŭ znak pratestu.
Nieŭzabavie da mohiłak prybyli supracoŭniki AMAPa, a dyrektar sielskaha kłuba ŭźlez na adno z dreŭ, kab ich uratavać. Paśla hetaha Dziamčuka zatrymali, noč jon pravioŭ u Pinskim RAUS. Kamunalniki ž paśpieli śsiekčy adzin z duboŭ da kanca pracoŭnaha dnia.
Jak pisała «Miedyja-Paleśsie», rašeńnie ab vysiečcy duboŭ pryniaŭ Pinski rajvykankam z-za kalektyŭnaha zvarotu hramadzian, čyje svajaki pachavanyja na miascovych mohiłkach — jany paličyli, što halinki dreŭ mohuć zvalicca i paškodzić darahija pomniki. Niekatoryja miascovyja žychary vystupajuć za zachavańnie duboŭ, jakija jany ličać historyka-kulturnaj kaštoŭnaściu i pomnikami pryrody.
Piensijanierki nie dali kamunalnikam śpiłavać 300-hadovyja duby na Pinščynie. U viosku adpravili AMAP
Žychary Achova paśla źniščeńnia duboŭ: «Adny robiać vyhlad, što ničoha nie zdaryłasia, astatnija moŭčki harujuć»
Stała viadoma, što za damovu ŭčora padpisali Łukašenka z Pucinym27
Stała viadoma, što za damovu ŭčora padpisali Łukašenka z Pucinym
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi2121
Kamientary