Futbalist kamandy druhoj lihi abmaciukaŭ supiernika. U skandał umiašaŭsia mer Małaryty
U płej-of druhoj lihi hulali «Małaryta» i «Astraviec». Hulec kamandy z Brestčyny Kirył Kavaluk skazaŭ, što jaho kamanda pieramoža, bo «Małaryta» — biezumoŭny favaryt čempijanatu. Ale dalej prajšoŭ «Astraviec», a jaho hulec Hieorhij Čytanava apublikavaŭ abraźlivy adkaz supierniku.
Paśla ŭ storyz jon pieraśpiavaŭ pieśniu hurta «Siektar Haza», u jakoj liryčny hieroj «pad viečar Małarytu *** [skarystaŭsia ŭ seksualnym płanie]».
Paśla taho jak vybryk Čytanavy raźlacieŭsia pa internecie, jon praciahnuŭ abražać krytykaŭ u kamientarach.
Žurnalisty źviarnuli ŭvahu, što svaimi słovami hulec «Astraŭca» nie tolki parušyŭ umovy kantrakta, ale i moža być pryciahnuty da administracyjnaj adkaznaści.
U niadzielu pa temie vykazaŭsia i kiraŭnik Małaryty. Michaił Bacenka zapatrabavaŭ ad «Astraŭca» vybačeńniaŭ i skasavańnia kantrakta z Čytanavam. U advarotnym vypadku čynoŭnik abiacaje źviarnucca ŭ fiederacyju futboła i milicyju.
Darečy, u vyrašalnym matčy ni Kavaluk, ni Čytanava ŭdziełu nie brali.
Kamientary