Hramadstva

«Ja dapamahała Alaksandru Ryhoraviču stać prezidentam». Jak 72-hadovaja žančyna ź invalidnaściu 12 hod čakaje svaju čarhu na kvateru

Słuččancy Ninie Simak 72 hady. Jana žyvie adna, dziaciej niama, invalid 2-j hrupy. Jaje dom jašče 12 hadoŭ tamu byŭ pryznany nie adpaviednym techničnym, sanitarnym i pažarnym normam. Z taho času žančyna kožny hod praviaraje svaju čarhu na kvateru. Ale dobrych navin dla jaje niama.

Z 2009 hoda Nina Piatroŭna staić na lhotnaj čarzie dla atrymańnia sacyjalnaha žylla. Minułuju zimu piensijanierka praviała ŭ prytułku, bo nie mahła pratapić chatu, a viasnoj viarnułasia dadomu, piša «Kurjer».

«Dziaciej i ŭnukaŭ niama, dapamahać niama kamu. U mianie invalidnaść, ź ciažkaściu chadžu i baču drenna, tamu adramantavać i navat utrymlivać dom niama sił», — raspaviadaje Nina Piatroŭna. Jaje piensija — 300 rubloŭ.

Dom žančyny — u žachlivym stanie. Domik staić prosta na ziamli, padłoha prahniła.

U chałodnuju paru Nina Piatroŭna ŭvieś čas padtrymlivaje ahoń u piečy, ustaje navat unačy, kab padkinuć droŭ. «Inakš za hadzinu ŭsia ciepłynia źnikaje praz ščyliny ŭ padłozie, stoli i ścienach. Usio žyćcio i ŭsie siły iduć na pieč», — kaža jana.

Jašče ŭ 2009 hodzie da Niny Piatroŭny prychodziła kamisija. Pryznali, što dom nie adpaviadaje sanitarnym, techničnym, pažarnym normam. Ścieny, padłoha, stol paškodžany hrybkom i žučkom.

«Pastavili mianie jak adzinokaha invalida na lhotnuju čarhu za numaram 197. Kožny hod ja daviedvajusia, jak prasoŭvajecca maja čarha», — raspaviadaje Nina Piatroŭna.

U 2012-m jaje čarha była za numaram 155, u 2015 hodzie čamuści stała 223, u 2017-m — 165, u 2020-m — 149.

«U lipieni hetaha hoda ja znoŭ telefanavała ŭ rajvykankam, skazali, što 129-ja, a patelefanavała ŭčora — iznoŭ 149-ja», —kaža jana.

Nina Piatroŭna listujecca z roznymi instancyjami. U ich adkazach napisana, što «žyłyja pamiaškańni pradastaŭlajucca ŭ paradku čarhi, zychodziačy z času pryniaćcia na ŭlik».

Piensijanierka kaža, što bačyć pa televizary, što ŭ Słucku budujecca šmat damoŭ dla lhotnikaŭ. «I na 50, i na 100 kvater damy zdajucca».

Ale jaje čarha ŭ 2009 hodzie była 197-j, a ŭ 2021-m — 149-ja.

«Tak chočacca pažyć jak čałaviek. Kolki mnie zastałosia…» — havoryć jana.

Jaje apošniaja zbroja — list Łukašenku.

«Ja dapamahała Alaksandru Ryhoraviču stać prezidentam. Jašče tady, pieršy raz. U mianie navat jaho asabistaja padziaka jość», — kaža jana i dastaje list.

Na im napisana: «Pavažanaja Nina Piatroŭna! Prymicie sardečnuju padziaku za vašu aktyŭnuju pracu ŭ inicyjatyŭnaj hrupie pa zbory podpisaŭ za vyłučeńnie mianie kandydatam u Prezidenty Respubliki Biełaruś. Ščyry vam dziakuj za vašu bieskaryślivaść, za vašu mužnaść…» Unizie staić faksimilny podpis — Ał. Łukašenka.

«Voś chaču jamu napisać. Moža, zaraz i jon dapamoža mnie?» — z nadziejaj kaža žančyna.

Kamientary

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna4

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna

Usie naviny →
Usie naviny

Źmitra Daškieviča buduć sudzić pa novaj kryminalnaj spravie ŭžo na hetym tydni7

Łatuška: Ja mahu bajacca pić vadu ci kavu ŭ hramadskich miescach13

Kala miažy Polščy ź Biełaruśsiu ahresiŭnaja moładź atakavała polskich vajskoŭcaŭ VIDEA27

18-hadovaha chłopca z Bychava sudziać za «zdradu dziaržavie»9

U Biełarusi nie buduć reahavać na ŭviadzieńnie Łatvijaj zabarony ŭjezdu dla biełaruskich aŭtamabilaŭ4

U Hrodnie źbirajucca pravieści «svojeasablivy vals» BTR-aŭ1

Labiedźka: Biełaruskaja mova pavinna stać adzinaj dziaržaŭnaj. Ale treba zakłaści pierachodny pieryjad20

Dziakujučy ŭrahanu ŭ Homieli zrabili navukovaje adkryćcio3

Karbalevič: Minsk zahavaryŭ pa-inšamu, ale heta pakul tolki słovy, dziejańniaŭ minimum1

bolš čytanych navin
bolš łajkanych navin

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna4

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna

Hałoŭnaje
Usie naviny →