U MUS razhladajuć ideju pazbaŭlać hramadzianstva biełarusaŭ, jakija źjechali za miažu
Viačasłaŭ Arłoŭski, načalnik adździeła Hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS, vykazaŭ «SB. Biełaruś siehodnia» ideju ab tym, kab pazbaŭlać hramadzianstva biełarusaŭ, jakija źjechali za miažu i «adtul robiać usio mahčymaje, kab naškodzić dziaržavie».
Jon nahadaŭ, što ŭ červieni ŭstupili ŭ siłu inicyjavanyja MUS źmieny ŭ zakon ab hramadzianstvie:
— Z hetaha momantu asoby, jakija nabyli biełaruskaje hramadzianstva, mohuć jaho stracić, kali pa prysudzie jany buduć pryznanyja vinavatymi ŭ ździajśnieńni šerahu złačynstvaŭ — ekstremisckich, terarystyčnych albo tych, jakija nanosiać ciažkuju škodu intaresam Biełarusi. Jość u hetym śpisie i artykuł 361 KK, pra jaki ciapier havorym. Varta adznačyć, što hetyja źmieny my raspracoŭvali dva hady. I tady havorka išła tolki ab stracie hramadzianstva asobami, jakija nabyli hramadzianstva, a nie stali biełarusami pa pravie naradžeńnia.
Ale ja liču, što treba pahladzieć dalej. Ludzi, jakija źbiehli z našaj krainy, nienavidziać jaje i siońnia pracujuć u intaresach zachodnich krain, nie pavinny mieć prava nazyvacca biełarusami.
Na dumku Viačasłava Arłoŭskaha, jość nieabchodnaść razhledzieć pytańnie ab pazbaŭleńni ich hramadzianstva.
— Kali jany adviarnulisia ad krainy, čamu kraina nie moža adviarnucca ad ich? U vyniku jany nie zmohuć pryjechać u Biełaruś u volnym paradku, nie zmohuć udzielničać u elektaralnych pracesach, hramadska-palityčnym žyćci dziaržavy, — zajaviŭ pradstaŭnik HUBAZiK.
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary